ආණ්ඩුවේ පාර්ශවකරුවෙකුට වත්කමක් තිබීම “සමාජ ප්රාග්ධනයක්” ලෙස හඳුන්වන වත්මන් පාලනය, විපක්ෂයේ දේශපාලනඥයෙකුට හෝ රාජ්ය සේවකයෙකුට වත්කමක් තිබීම “හොරකමක්” ලෙස අර්ථකථනය කරන බව ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා පවසයි. කැලණිය මහා විහාරයේ පැවැති ආගමික වැඩසටහනකින් අනතුරුව මාධ්ය වෙත අදහස් දක්වමින් ඔහු කියා සිටියේ වත්මන් රජය සහ ජනතා විමුක්ති පෙරමුණ මෙම “සමාජ ප්රාග්ධන” සංකල්පය තමන්ට වාසිදායක ලෙස භාවිත කරන බවයි.
පසුගිය මැතිවරණ වේදිකාවල ලැම්බෝගිනි, රන් අශ්වයන් සහ උගන්ඩාවට ඩොලර් බිලියන ගෙනගිය බවට එල්ල කළ චෝදනා අද වන විට බොරු වී ඇති බව මන්ත්රීවරයා මෙහිදී පෙන්වා දුන්නේය. එසේම වත්මන් රජය යටතේ සිදුවන බව කියන බාල ගල් අඟුරු ටෙන්ඩර් වංචාව පිළිබඳව ද ඔහු සෘජු චෝදනාවක් එල්ල කළේය. ජනාධිපතිවරයා සහ විෂය භාර අමාත්යවරයා එක්ව සිදුකරන මෙම ගනුදෙනු නිසා අවසානයේ පීඩාවට පත්වන්නේ විදුලි බිල සහ තෙල් මිල ඉහළ යාම දරාගත නොහැකි අහිංසක ජනතාව බව ද ඔහු වැඩිදුරටත් අවධාරණය කළේය.
