ශ්රී ලාංකේය සිනමාව ජාත්යන්තර තලයට රැගෙන ගිය ප්රවීණ චිත්රපට අධ්යක්ෂ ප්රසන්න විතානගේ මහතා, මෙවර මොස්කව් ජාත්යන්තර චිත්රපට උළෙලේ (Moscow International Film Festival) ප්රධාන තරගකාරී අංශයේ ජූරි සභා විනිශ්චය මණ්ඩලයේ සභාපතිවරයා ලෙස තෝරා පත් කර ගෙන තිබේ. ලොව පැරණිතම සහ ප්රමුඛතම සිනමා උළෙලක් ලෙස සැලකෙන මෙහි මෙවැනි ඉහළම තනතුරකට ශ්රී ලාංකිකයෙකු පත්වීම දේශීය සිනමා වංශකතාවේ සුවිශේෂී සන්ධිස්ථානයක් ලෙස සැලකේ.
මෙවර මොස්කව් සිනමා උළෙල අප්රේල් 16 වැනිදා සිට 23 වැනිදා දක්වා රුසියාවේ මොස්කව් අගනුවරදී පැවැත්වීමට නියමිත අතර, එහි ප්රධාන තරගකාරී අංශය සඳහා ලොව පුරා රටවල් නියෝජනය කරමින් විශිෂ්ට සිනමා නිර්මාණ 15ක් තෝරාගෙන ඇත. එම නිර්මාණ ඇගයීමට ලක් කරන විනිශ්චය මණ්ඩලයට නායකත්වය ලබා දීම සඳහා ප්රසන්න විතානගේ මහතාට ආරාධනා කිරීම හරහා ශ්රී ලංකාවට ජාත්යන්තර වශයෙන් විශාල ගෞරවයක් අත් වී තිබේ. 1975 වසරේදී මොස්කව් උළෙලේදී මාලනී ෆොන්සේකා මහත්මිය ලද ඇගයීමෙන් පසු, ශ්රී ලාංකේය සිනමා ශිල්පියෙකු මෙම උළෙල තුළ ලැබූ ඉහළම ගෞරවය මෙය ලෙස හැඳින්විය හැකිය.
