ඇමෙරිකානු අන්ත දකුණේ දේශපාලන ක්රියාකාරිනියක සහ විචාරකයෙකු වන ලෝරා ලූමර්, ෆෝර්ට් ලෝඩර්ඩේල්-හොලිවුඩ් ජාත්යන්තර ගුවන් තොටුපළේදී තමන් වාචික හිරිහැරයකට ලක් වූ බවට චෝදනා කරමින් ‘X’ ගිණුමේ සටහනක් තබා තිබේ. ඇය පවසන පරිදි, තමන් ගුවන් යානයක් එනතුරු රැඳී සිටින අවස්ථාවේදී අසල සිටි කළු ජාතික කාන්තාවක විසින් පලස්තීනය සහ යුදෙව් ජනතාව සම්බන්ධයෙන් තමන්ට කෑගසමින් අපහාස කර ඇත.
අදාළ කාන්තාව තමන් වෙත පැමිණ “ඔයාලා හැමෝම මරා දානවා” (You people kill everyone) යනුවෙන් කෑගැසූ බවත්, මෙය යුදෙව් ජනතාව ඉලක්ක කර ගනිමින් කරන ලද ප්රකාශයක් බවත් ඇය පවසයි. ලූමර් මෙම කාන්තාව “උමතු තැනැත්තියක” ලෙස හඳුන්වමින් සිය දැඩි විරෝධය පළ කර ඇති අතර, මෙම සිදුවීම සමාජ මාධ්ය ජාලාවල ද මහත් කතාබහට ලක්ව තිබේ.
ලෝරා ලූමර් යනු මීට පෙර ද විවිධ මතභේදාත්මක ප්රකාශ සහ සිදුවීම් හේතුවෙන් නිතර පුවත් මවන චරිතයක් වන අතර, මෙවර ඇය මුහුණ දුන් මෙම අත්දැකීම සම්බන්ධයෙන් විවිධ පාර්ශ්වයන් විවිධ අදහස් පළ කරමින් සිටිති. කෙසේ වෙතත්, ගුවන් තොටුපළ බලධාරීන් හෝ පොලිසිය විසින් මෙම සිදුවීම සම්බන්ධයෙන් මෙතෙක් නිල ප්රකාශයක් නිකුත් කර නොමැත.
