පුද්ගලයින් ලියාපදිංචි කිරීමේ කොමසාරිස් ජනරාල් තනතුර සඳහා නව නිලධාරියෙකු පත් කිරීමට අමාත්ය මණ්ඩල අනුමැතිය හිමිව තිබේ. දැනට පුරප්පාඩුව පවතින මෙම තනතුරේ රාජකාරි කටයුතු මෙතෙක් සිදු කරනු ලැබුවේ මහජන ආරක්ෂක හා පාර්ලිමේන්තු කටයුතු අමාත්යාංශයේ අතිරේක ලේකම්වරියක විසින් වැඩ බලන පදනම මතයි. දෙපාර්තමේන්තුවේ දෛනික රාජකාරි මෙන්ම ශ්රී ලංකා අනන්යතා ඩිජිටල් හැඳුනුම්පත (SLID) නිකුත් කිරීමේ ක්රියාවලිය කඩිනම් කිරීමේ අවශ්යතාව සලකා මෙම පත් කිරීම සිදු කර ඇත.
ඒ අනුව, දැනට කෑගල්ල දිස්ත්රික් ලේකම්වරයා ලෙස සේවය කරන ශ්රී ලංකා පරිපාලන සේවයේ විශේෂ ශ්රේණියේ නිලධාරියෙකු වන එච්. එම්. ජේ. එම්. හේරත් මහතා පුද්ගලයින් ලියාපදිංචි කිරීමේ කොමසාරිස් ජනරාල් තනතුරට පත් කිරීමට නියමිතය. ඩිජිටල් ආර්ථික අමාත්යවරයා ලෙස ජනාධිපතිවරයා ඉදිරිපත් කළ මෙම යෝජනාවට කැබිනට් මණ්ඩලයේ එකඟතාව හිමිව තිබේ. මෙම නව පත් කිරීමත් සමඟ ඉදිරි මාස කිහිපය තුළ ඩිජිටල් හැඳුනුම්පත් ව්යාපෘතියේ සැලකිය යුතු ප්රගතියක් අපේක්ෂා කෙරේ.
