අමෙරිකාව සමඟ පවත්වමින් සිටි සියලුම සටන් විරාම සාකච්ඡා නතර කිරීමට ඉරාන රජය තීරණය කර තිබේ. ඉරාන විදේශ අමාත්යාංශය උපුටා දක්වමින් ජාත්යන්තර මාධ්ය වාර්තා කරන්නේ, මෙම තීරණය මැදිහත්කරුවෙකු ලෙස කටයුතු කරන පාකිස්ථාන රජය වෙත නිල වශයෙන් දැනුම් දී ඇති බවයි.
අමෙරිකානු ජනාධිපති ඩොනල්ඩ් ට්රම්ප් විසින් අද (අප්රේල් 07) රාත්රී 8:00 දක්වා පනවා ඇති ‘අවසාන නිවේදනය’ (Ultimatum) සහ එල්ල වෙමින් පවතින ප්රහාර හමුවේ මෙවැනි සාකච්ඡාවල නිරත වීම පලක් නොමැති ක්රියාවක් බව ඉරානය පෙන්වා දී ඇත. ඉරාන රජය අවධාරණය කරන්නේ තාවකාලික සටන් විරාමයන් වෙනුවට යුද්ධය ස්ථිරවම අවසන් කරන සහ යළි ප්රහාර එල්ල නොකරන බවට සහතිකයක් සහිත එකඟතාවයක් පමණක් තමන් පිළිගන්නා බවයි.
විශේෂයෙන්ම සාකච්ඡා පවතින අතරතුර අමෙරිකාව සහ ඊශ්රායලය විසින් ඉරානයේ යටිතල පහසුකම්වලට දිගින් දිගටම ප්රහාර එල්ල කිරීම නිසා “සාකච්ඡා මේසය අමෙරිකාව විසින්ම විනාශ කර ඇති” බව ඉරාන තානාපති නිලධාරීන් ප්රකාශ කර තිබේ. මෙම තීරණයත් සමඟ මැදපෙරදිග කලාපය තුළ මහා පරිමාණ යුද්ධයක් ඇතිවීමේ අවදානම තවදුරටත් ඉහළ ගොස් ඇති අතර, ජනාධිපති ට්රම්ප්ගේ අවසන් හෝරාව (Deadline) අවසන් වීමෙන් පසු අමෙරිකාව කුමන පියවරක් ගනු ඇතිද යන්න පිළිබඳව ලෝකයම අවධානයෙන් සිටියි.
තොරතුරු උපුටා ගැනීම: Mario Nawfal (X) ඇසුරින්
