කලාපීය යුදමය උණුසුම අතිශය තීරණාත්මක මට්ටමකට පැමිණ තිබෙන පසුබිමක, කුවේට් ස්වදේශ කටයුතු අමාත්යාංශය (Ministry of Interior) විසින් සිය පුරවැසියන්ට සහ විදේශිකයින්ට හදිසි නිවේදනයක් නිකුත් කර තිබේ. ඒ අනුව, අද (අප්රේල් 07) මධ්යම රාත්රී 12:00 සිට හෙට (අප්රේල් 08) අලුයම 6:00 දක්වා කාලය තුළ අතිශය හදිසි අවශ්යතාවයකට මිස නිවෙස්වලින් බැහැරට නොයන ලෙස රජය දන්වා සිටියි.
මෙම හදිසි පියවර ගැනීමට නිශ්චිත හේතුවක් රජය විසින් සඳහන් කර නොමැති වුවද, @officialrnintel ඇතුළු ජාත්යන්තර ආරක්ෂක මූලාශ්ර පෙන්වා දෙන්නේ එය ඉරානය සහ අමෙරිකාව අතර පවතින ගැටුමේ ‘අවසන් හෝරාව’ (Deadline) හා සෘජුවම සම්බන්ධ බවයි. ඉරානය විසින් එල්ල කරන මිසයිල සහ ඩ්රෝන ප්රහාර හමුවේ කුවේට් ගුවන් ආරක්ෂක පද්ධති උපරිම සූදානමකින් තබා ඇති අතර, මිසයිල සුන්බුන් පතිත වීමේ අවදානම (Falling debris) වැළැක්වීම සඳහා මෙම පියවර ගෙන ඇති බව විශ්වාස කෙරේ.
පසුගිය පැය 24 තුළ පමණක් කුවේට් ආරක්ෂක අංශ විසින් අහසේදී විනාශ කරන ලද මිසයිල සහ ඩ්රෝන යානාවල සුන්බුන් පතිත වූ අවස්ථා 59කට අධික සංඛ්යාවක් වාර්තා වී තිබේ. කුවේට් රජය අවධාරණය කරන්නේ මහජන ආරක්ෂාව තහවුරු කිරීම සහ ආරක්ෂක අංශවල මෙහෙයුම්වලට සහාය වීම සඳහා මෙම නියෝගයට උපරිමයෙන් අවනත වන ලෙසයි. අගනුවර ඇතුළු ප්රධාන නගරවල ආරක්ෂාව දැඩි කර ඇති අතර, ජනතාවට නිල තොරතුරු කෙරෙහි පමණක් අවධානය යොමු කරන ලෙස ද උපදෙස් දී ඇත.
තොරතුරු උපුටා ගැනීම: mario nawfal(x), Al Arabiya සහ officialrnintel ඇසුරින්
