අමෙරිකානු ජනාධිපති ඩොනල්ඩ් ට්රම්ප් විසින් ඉරානයේ සිවිල් යටිතල පහසුකම් විනාශ කරන බවට කර ඇති තර්ජනයට ප්රතිචාර ලෙස, ඉරානය අද (අප්රේල් 08) ටෙහෙරාන් වේලාවෙන් රාත්රී 23:00 ට සෞදි අරාබිය, එක්සත් අරාබි එමීර් රාජ්යය, බහරේනය සහ ඊශ්රායලය යන රටවල ප්රධාන පාලම් සහ දුම්රිය ජාල ඉලක්ක කර ප්රතිප්රහාර දියත් කරන බවට සංඥා කර තිබේ. ඉරාන බලධාරීන් ප්රකාශ කර ඇත්තේ අමෙරිකානු හිතවාදී කලාපීය රටවල ප්රධාන පාලම් (Bridges) සහ දුම්රිය මාර්ග (Rail networks) වෙත මෙම ප්රහාර එල්ල කරන බවත්, මෙය ට්රම්ප් පරිපාලනය විසින් ඉරානයේ පාලම් සහ බලාගාර “ගල් යුගයට” (Stone Age) යන තෙක් විනාශ කරන බවට කළ ප්රකාශයට සෘජු පිළිතුරක් බවත්ය.
මෙම අනතුරු ඇඟවීමත් සමඟ සෞදි අරාබිය සහ බහරේනය යා කරන කිලෝමීටර් 25ක් දිගැති ‘ෆාඩ් රජු’ අධිවේගී පාලම (King Fahd Causeway) ආරක්ෂක හේතූන් මත වසා දැමීමට බලධාරීන් වහාම පියවර ගෙන ඇත. එක්සත් අරාබි එමීර් රාජ්යය (UAE) සහ ඊශ්රායලය දැනටමත් සිය ගුවන් ආරක්ෂක පද්ධති උපරිම සූදානමකින් (High alert) තබා ඇති අතර, ඉරාන මිසයිල සහ ඩ්රෝන ප්රහාර ව්යර්ථ කිරීම සඳහා අතිරේක මෙහෙයුම් දියත් කර තිබේ. ජනාධිපති ට්රම්ප් විසින් හෝමුස් සමුද්ර සන්ධිය විවෘත කිරීම සඳහා පනවා ඇති ‘අවසන් හෝරාව’ (Deadline) එළඹීමට ආසන්න වෙත්ම, ඉරානය මෙලෙස නිශ්චිත වේලාවක් සහිතව ප්රතිප්රහාර පිළිබඳ අනතුරු ඇඟවීම් නිකුත් කිරීම හේතුවෙන් සමස්ත මැදපෙරදිග කලාපයම දැඩි යුද භීතියකට පත්ව සිටියි.
තොරතුරු උපුටා ගැනීම: The Guardian සහ Fox News වාර්තා ඇසුරින්
