උත්සව සමයේදී පාරිභෝගිකයින් මුහුණ දෙන ගෑස් හිඟයට විසඳුම් ලබා දෙමින්, ලාෆ්ස් (Laugfs) ගෑස් අද (08) සිට වෙළෙඳපොළට නිකුත් කිරීමට එම සමාගම එකඟ වී ඇති බව පාරිභෝගික කටයුතු පිළිබඳ අධිකාරිය පවසයි. වෙළෙඳ අමාත්යවරයාගේ උපදෙස් මත සිදුවූ සාකච්ඡාවලින් අනතුරුව මෙම තීරණය ගෙන තිබේ.
පසුගිය අප්රේල් 06 වනදා ලාෆ්ස් ගෑස් මෙට්රික් ටොන් 7,000ක් රැගත් නෞකාවක් හම්බන්තොට වරායට පැමිණි අතර, එම තොග පිරිපහදු කර අද සිට දිවයින පුරා බෙදාහැරීමට නියමිතය. මේ අතර උත්සව සමයේ භාණ්ඩ වැඩි මිලට විකුණන වෙළෙඳුන් අත්අඩංගුවට ගැනීම සඳහා විශේෂ වැටලීම් මාලාවක් ද ආරම්භ කර ඇති බව පාරිභෝගික කටයුතු පිළිබඳ අධිකාරිය වැඩිදුරටත් සඳහන් කළේය.
අද දිනයේ ට්රම්ප් සහ ඉරානය අතර සති දෙකක සටන් විරාමයකට එකඟ වීම නිසා ලෝක තෙල් මිල සහ ගෑස් මිල ගණන් ස්ථාවර වීම මෙන්ම, හෝමුස් සමුද්ර සන්ධිය විවෘත වීම වැනි ජාත්යන්තර පුවත් මධ්යයේ, දේශීයව ගෑස් සැපයුම යථා තත්ත්වයට පත්වීම අලුත් අවුරුදු සූදානමෙහි යෙදෙන ශ්රී ලාංකිකයින්ට ලැබුණු විශාල සහනයකි.
