ජනාධිපති අනුර කුමාර දිසානායක මහතා විසින් ශ්රී ලංකා ආයෝජන මණ්ඩලයේ (BOI) වැඩබලන සභාපතිවරයා ලෙස ආචාර්ය සුලක්ෂණ ජයවර්ධන මහතා පත් කර තිබේ. ශ්රී ලංකා පරිපාලන සේවයේ වසර 23කට අධික විශිෂ්ට සේවා පළපුරුද්දක් ඇති විශේෂ ශ්රේණියේ නිලධාරියෙකු වන ආචාර්ය ජයවර්ධන මහතා, රාජ්ය පරිපාලනය, ප්රතිපත්ති සම්පාදනය සහ මහා පරිමාණ ව්යාපෘති කළමනාකරණය පිළිබඳ පුළුල් අත්දැකීම් සහිත ජ්යෙෂ්ඨ රජයේ නිලධාරියෙකි.
ආචාර්ය සුලක්ෂණ ජයවර්ධන මහතා සිය වැඩ කටයුතු ආරම්භ කිරීම අද (08) කොළඹ 01, ලෝක වෙළඳ මධ්යස්ථානයේ පිහිටි ශ්රී ලංකා ආයෝජන මණ්ඩල කාර්යාලයේදී සිදු කරන ලදී. මෙම අවස්ථාවට ශ්රී ලංකා ආයෝජන මණ්ඩලයේ අධ්යක්ෂ ජනරාල් රේණුකා එම්. වීරකෝන් මහත්මිය ඇතුළු ඉහළ නිලධාරීන් පිරිසක් සහභාගී වූහ. නව රජයේ ආර්ථික ඉලක්ක සපුරා ගැනීම සඳහා ආයෝජන ක්ෂේත්රය ප්රවර්ධනය කිරීමේ වගකීම මෙහිදී ඔහු වෙත පැවරෙනු ඇත.
