ඇමරිකා එක්සත් ජනපදය සහ ඉරානය අතර ඇති කරගත් සති දෙකක සටන් විරාමය රුසියාව විසින් අද (08) සාදරයෙන් පිළිගනු ලැබීය. ක්රෙම්ලීන මාධ්ය ප්රකාශක දිමිත්රි පෙස්කොව් (Dmitry Peskov) මහතා ප්රකාශ කළේ, සන්නද්ධ ගැටුම් තවදුරටත් වර්ධනය නොකිරීමට ගත් මෙම තීරණය පිළිබඳව රුසියාව සෑහීමකට පත්වන බවයි.
මෙම සටන් විරාමය හරහා යුක්රේන යුද්ධය අවසන් කිරීම සඳහා වන ත්රෛපාර්ශ්වික සාම සාකච්ඡා යළි ආරම්භ කිරීමට ඇමරිකාවට අවස්ථාව සහ කාලය ලැබෙනු ඇතැයි රුසියාව අපේක්ෂා කරන බව ද හෙතෙම සඳහන් කළේය. ඉරාන කලාපයේ හටගත් යුදමය තත්ත්වය හේතුවෙන් රුසියාව, යුක්රේනය සහ ඇමරිකාව අතර පැවැත්වීමට සැලසුම් කර තිබූ සාකච්ඡා මීට පෙර තාවකාලිකව නතර වී තිබුණි.
“නුදුරු අනාගතයේදී ත්රෛපාර්ශ්වික මට්ටමින් හමුවී සාකච්ඡා කිරීමට ඇමරිකාවට වැඩි අවස්ථාවක් ලැබෙනු ඇතැයි අප බලාපොරොත්තු වෙනවා,” යැයි පෙස්කොව් මහතා මාධ්යවේදීන් හමුවේ වැඩිදුරටත් පැවසීය. මැදපෙරදිග ආතතිය සමනය වීම ලෝක දේශපාලනයේ අනෙකුත් ප්රධාන ගැටලු විසඳා ගැනීමට ද ධනාත්මක බලපෑමක් වනු ඇති බව රුසියාවේ විශ්වාසයයි.
