ඉරානයට මිලිටරි අවි ආයුධ සපයන ඕනෑම රටකට එරෙහිව වහාම ක්රියාත්මක වන පරිදි දැඩි ආර්ථික සම්බාධක පනවන බව ඇමරිකානු ජනාධිපති ඩොනල්ඩ් ට්රම්ප් අනතුරු අඟවා තිබේ. ඒ අනුව, ඉරානයට අවි සපයන රටවල් ඇමරිකාවට අපනයනය කරන සියලුම භාණ්ඩ සඳහා 50%ක බද්දක් පනවන බව ඔහු සඳහන් කළේය.
සමාජ මාධ්ය ඔස්සේ නිවේදනයක් නිකුත් කරමින් ට්රම්ප් කියා සිටියේ මෙම බදු පැනවීමේදී කිසිදු රටකට සහනයක් හෝ නිදහස් කිරීමක් හිමි නොවන බවයි.
මීට අමතරව, ඉරානය තුළ “ඵලදායී පාලන තන්ත්ර වෙනසක්” (Regime change) සිදුව ඇති බවත්, ඒ අනුව ඉදිරියේදී ඉරානය සමඟ සමීපව කටයුතු කරන බවත් ඔහු ප්රකාශ කර ඇත. ඉරානය තවදුරටත් යුරේනියම් සාරවත් නොකරන බවත්, එහි භූගතව ඇති න්යෂ්ටික ‘දූවිලි’ ඉවත් කිරීමට ඇමරිකාව සහාය වන බවත් ඔහු වැඩිදුරටත් කියා සිටියේය.
ඉරානයේ න්යෂ්ටික මධ්යස්ථාන ඇමරිකානු අභ්යවකාශ බලකායේ (US Space Force) චන්ද්රිකා නිරීක්ෂණයට නතුව ඇති බවත්, පවතින සම්බාධක සහ බදු ලිහිල් කිරීම පිළිබඳව මේ වන විටත් කරුණු 15කින් සමන්විත එකඟතාවයකට එළඹෙමින් පවතින බවත් ජනාධිපති ට්රම්ප් අනාවරණය කළේය.
