විපක්ෂ නායක සජිත් ප්රේමදාස මහතා විසින් රජයේ ආර්ථික වැඩපිළිවෙල විවේචනය කරමින් සිදුකළ ප්රකාශවලට ජාතික ජන බලවේගයේ පාර්ලිමේන්තු මන්ත්රී සුගත් වසන්ත ද සිල්වා මහතා අද (අප්රේල් 08) දැඩි ප්රතිචාරයක් දැක්වීය. “රජය අද ජනතාවට පුන්නක්කු සපයනවා” යනුවෙන් සජිත් ප්රේමදාස මහතා කළ ප්රකාශය දැඩිව හෙළා දුන් මන්ත්රීවරයා, ජනතාව තවදුරටත් එවැනි දේශපාලන ප්රයෝගවලට රැවටීමට හෝ “පුන්නක්කු බොන්නට” සූදානම් නැති බව අවධාරණය කළේය. අසත්ය සංඛ්යාලේඛන ඉදිරිපත් කරමින් ජනතාව නොමග යවන පාරම්පරික දේශපාලන පක්ෂ මේ වන විටත් ජනතාව විසින් දේශපාලන කුණු කූඩයට දමා අවසන් බව ඔහු මෙහිදී වැඩිදුරටත් ප්රකාශ කළේය.
විශේෂයෙන්ම රටේ පවතින සැබෑ ආර්ථික තත්ත්වය සහ සංඛ්යාලේඛන නිවැරදිව හඳුනා නොගෙන විපක්ෂය සිදුකරන චෝදනා හාස්යජනක බවත්, ජනතාව සැබෑ වෙනස වටහාගෙන ඇති බවත් සුගත් වසන්ත ද සිල්වා මහතා පෙන්වා දුන්නේය. පසුගිය පාලන සමයන්හිදී රට අගාධයට ඇද දැමූ පිරිස් දැන් රජයට උපදෙස් දීමට උත්සාහ කිරීම විහිළුවක් බවත්, එවැනි පිරිස්වලට ජනතාව නැවත කිසිසේත්ම අවස්ථාවක් ලබා නොදෙන බවත් ඔහු අවධාරණය කළේය. පවතින රජයේ වැඩපිළිවෙල විවේචනය කිරීමට පෙර විපක්ෂය සිය අතීත දේශපාලන ක්රියාකලාපය දෙස නැවත හැරී බැලිය යුතු බව ද මන්ත්රීවරයා සිය ප්රකාශය මගින් වැඩිදුරටත් සඳහන් කළේය.
