කෘතිම බුද්ධිය (AI) භාවිතයෙන් නිර්මාණය කරන වෙබ් අඩවි බොහොමයක් එකම ආකාරයේ සාමාන්ය පෙනුමක් ගැනීමට ප්රධාන හේතුව එම මෙවලම්වල වරදක් නොව, පරිශීලකයන් ලබාදෙන අසම්පූර්ණ උපදෙස් බව අලුත්ම වාර්තාවක් පෙන්වා දෙයි. තාක්ෂණික වාර්තාවලට අනුව, උසස් මට්ටමේ වෙබ් අඩවියක් ලබා ගැනීමට නම් “ලස්සන වෙබ් අඩවියක් හදන්න” වැනි සරල වැකි වෙනුවට ඉතා පැහැදිලි සහ විස්තරාත්මක ප්රොම්ප්ට් එකක් ලබා දීම අත්යවශ්ය වේ.
සාර්ථක වෙබ් නිර්මාණ ප්රොම්ප්ට් එකක අවම වශයෙන් අංග 5ක් තිබිය යුතුය: වෙබ් අඩවියේ අරමුණ සහ ඉලක්කගත පරිශීලකයන්, අනිවාර්යයෙන් තිබිය යුතු විශේෂාංග, කැමති දෘශ්ය විලාසිතාවන් (Colors/Fonts), දත්ත ගබඩා කිරීමේ අවශ්යතා සහ අනෙකුත් සේවාවන් සමඟ සම්බන්ධ වන ආකාරය. උදාහරණයක් ලෙස, “අපේ සමාගමට වෙබ් අඩවියක් හදන්න” යන්නට වඩා, “දුරස්ථව වැඩ කරන කණ්ඩායම් සඳහා වන මෘදුකාංගයක් හඳුන්වා දෙන, පිරිසිදු (Modern/Minimalist) පෙනුමක් ඇති, මිල ගණන් වගු සහ පාරිභෝගික අදහස් ඇතුළත් පිටුවක් සාදන්න” ලෙස ඉල්ලීම වඩාත් සාර්ථක ප්රතිඵල ලබා දෙයි.
මීට අමතරව, මුලින්ම මුළු වෙබ් අඩවියම නිම කිරීමට උත්සාහ නොකර, කොටසින් කොටස (Section by section) සංස්කරණය කරමින් ඉදිරියට යෑම වඩාත් සුදුසු බවත්, Framer, Wix හෝ Squarespace වැනි මෙවලම් අතරින් තමන්ට ගැලපෙනම මෙවලම තෝරා ගැනීම වැදගත් බවත් එම වාර්තාව අවධාරණය කරයි. ඒ අනුව, AI වෙබ් නිර්මාණය යනු එක් වරක් ලබාදෙන උපදෙසක් නොව, පියවරෙන් පියවර සිදු කරන නිර්මාණාත්මක ක්රියාවලියකි.
