ශ්රී ලංකාවේ මතුපිට සහ භූගත ජල සම්පත් ආරක්ෂා කිරීමේ සහ කළමනාකරණය කිරීමේ ජාතික වැඩසටහන් අධීක්ෂණය කිරීම සඳහා පරිසර අමාත්යාංශය විසින් විශේෂ අමාත්යාංශ කමිටුවක් පිහිටුවා තිබේ. වැදගත් ජලධර (Aquifers) ගැසට් මගින් ප්රකාශයට පත් කිරීම සහ ජල මූලාශ්ර සුරැකීමේ යාන්ත්රණ නිරීක්ෂණය කිරීම මෙම කමිටුවේ ප්රධාන වගකීමක් වනු ඇත.
පරිසර අමාත්යාංශ ලේකම්වරයාගේ අධීක්ෂණය යටතේ ක්රියාත්මක වන මෙම කමිටුව ජල සම්පත් මණ්ඩලය, මධ්යම පරිසර අධිකාරිය (CEA) සහ අමාත්යාංශයේ ස්වභාවික සම්පත් කළමනාකරණ අංශයේ විශේෂඥයන්ගෙන් සමන්විත වේ. හඳුනාගත් ජල පද්ධතීන් සුරැකීම සඳහා ශක්තිමත් නීතිමය රාමුවක සහ ප්රජා දායකත්වයෙන් යුත් නැවත වන වගා ව්යාපෘතිවල අවශ්යතාවය පරිසර නියෝජ්ය අමාත්ය ඇන්ටන් ජයකොඩි මහතා මෙහිදී අවධාරණය කළේය.
මෙම මූලික සාකච්ඡාව අද (09) පරිසර අමාත්යාංශයේදී පැවැත්වුණු අතර, වසර 62ක් පැරණි ජල සම්පත් මණ්ඩල පනත සම්පූර්ණයෙන්ම සංශෝධනය කර ජල ආරක්ෂණය සඳහා වන නීතිමය පදනම නවීකරණය කිරීමට ද කැබිනට් අනුමැතිය හිමිව තිබේ. “තිරසර දියවර” ජාතික වැඩසටහනට සමගාමීව ක්රියාත්මක වන මෙම ඒකාබද්ධ සංරක්ෂණ වැඩසටහන එළඹෙන ලෝක පරිසර දිනයට සමගාමීව නිල වශයෙන් ආරම්භ කිරීමට නියමිතය.
