රුසියාවේ දැනට බහුලව භාවිත වන Telegram යෙදුමට විකල්පයක් ලෙස රජයේ අනුග්රහය සහිතව නිපදවා ඇති ‘Max’ පණිවිඩ හුවමාරු යෙදුම සංවර්ධනය කිරීම සඳහා චීනයේ WeChat සහ Douyin (TikTok හි සහෝදර යෙදුම) ආකෘති ලෙස යොදාගන්නා බව රුසියානු VK අන්තර්ජාල සමාගමේ ප්රධාන විධායක නිලධාරී ව්ලැඩිමීර් කිරියෙන්කෝ (Vladimir Kiriyenko) ප්රකාශ කළේය. රුසියානු වැසියන් Telegram වෙනුවට Max යෙදුම වෙත යොමු කරවීමට ක්රෙම්ලිනය දැඩි උත්සාහයක නිරතව සිටියද, එහි පවතින සීමිත පහසුකම් හේතුවෙන් පරිශීලකයින්ගෙන් ඊට දැඩි විරෝධයක් එල්ල වී තිබේ.
ක්රෙම්ලිනය අපේක්ෂා කරන්නේ මෙම “වේදිකා ආර්ථිකය” (Platform economy) හරහා විද්යුත් වාණිජ්යය (E-commerce) සහ අනුබද්ධ බැංකු සේවාවන් ඒකාබද්ධ කරමින් ව්යාපාරිකයන්ට සිය පාරිභෝගිකයන් වෙත පහසුවෙන් ළඟා වීමට අවස්ථාව සැලසීමටයි. රුසියාවේ මන්දගාමී ආර්ථික වර්ධනය වේගවත් කිරීම සඳහා වන ප්රධාන මෙවලමක් ලෙස ද මෙම යෙදුම සංවර්ධනය කිරීම රජය විසින් හඳුනාගෙන තිබේ.
කෙසේ වෙතත්, ක්රියාකාරීත්වය අතින් Telegram යෙදුමට වඩා Max යෙදුම බොහෝ පසුපසින් සිටින බව පරිශීලකයින්ගේ මූලික චෝදනාව වී ඇත. රුසියානු රජය සිය රටේ සන්නිවේදන ජාලයන් මත වැඩි පාලනයක් ලබා ගැනීමට උත්සාහ කරන පසුබිමක, චීන තාක්ෂණික ආකෘතීන් අනුගමනය කරමින් මෙම නව යෙදුම ජනප්රිය කරවීමට ඔවුන් දරන උත්සාහය තාක්ෂණික ලෝකයේ දැඩි අවධානයට ලක්ව තිබේ.
