කොළඹ කොටස් වෙළෙඳපොළේ සියලු කොටස් මිල දර්ශකය (ASPI) අද (09) දිනයේදී ඒකක 73.06ක පහත වැටීමක් වාර්තා කළ අතර, දිනය අවසානයේදී එය ඒකක 21,844.54ක් ලෙස සටහන් විය. මෙය පෙර දිනට සාපේක්ෂව සියයට 0.33ක පසුබැසීමකි. මැදපෙරදිග කලාපයේ පවතින නොසන්සුන්කාරී තත්ත්වය සහ ගෝලීය වෙළෙඳපොළේ බොරතෙල් මිල ඉහළ යාම හමුවේ ඇති වූ අවිනිශ්චිතතාවය දේශීය කොටස් වෙළෙඳපොළ කෙරෙහි ද මෙලෙස ඍජුව බලපා ඇති බව පෙනී යයි.
විශේෂයෙන්ම හොර්මුස් සමුද්ර සන්ධිය වසා තැබීම සහ මැදපෙරදිග සටන් විරාමය පිළිබඳ පවතින අවිශ්වාසය හේතුවෙන් ලොව පුරා කොටස් වෙළෙඳපොළවල් පහත වැටීමත් සමඟ ශ්රී ලංකාවේ ආයෝජකයින් ද තරමක් ප්රවේශම්කාරී පිළිවෙතක් අනුගමනය කිරීම මෙම පහත වැටීමට ප්රධාන හේතුවක් විය. දිනය තුළ පිරිවැටුම සහ ගනුදෙනු ස්වභාවය අනුව බලශක්ති සහ ප්රවාහන අංශවල කොටස් මිල කෙරෙහි මෙහි වැඩි බලපෑමක් එල්ල වී තිබේ.
