එළඹෙන නුවරඑළිය වසන්ත සැණකෙළිය නිමිත්තෙන් සංචාරකයන්ට සහ පාරිභෝගිකයන්ට ගුණාත්මක ආහාර සේවාවක් සහතික කිරීමේ අරමුණින් නුවරඑළිය සෞඛ්ය වෛද්ය නිලධාරි කාර්යාලය සහ මහ නගර සභාවේ මහජන සෞඛ්ය පරීක්ෂකවරුන් අද (09) නගරයේ වෙළෙඳසල් හදිසි පරීක්ෂාවකට ලක් කළහ. නුවරඑළිය නගරයේ පිහිටි ආපනශාලා, තොග සහ සිල්ලර වෙළෙඳසල් මෙන්ම බේකරි මෙහිදී දැඩි පරීක්ෂාවට ලක් කෙරිණි.
මෙම වැටලීමේදී පරිභෝජනයට නුසුදුසු ආහාර අලෙවි කිරීම, අපිරිසිදු ලෙස ආපනශාලා පවත්වාගෙන යාම, සෞඛ්යාරක්ෂිත නොවන ලෙස ආහාර පිළියෙළ කිරීම සහ ලේබල් රහිත ආහාර ද්රව්ය අලෙවි කිරීම සම්බන්ධයෙන් වෙළෙඳසල් හිමියන් රැසකට චෝදනා එල්ල වී තිබේ. සෞඛ්ය නීති උල්ලංඝණය කළ වෙළෙඳසල් හිමියන් විශාල පිරිසකට එරෙහිව නුවරඑළිය මහේස්ත්රාත් අධිකරණය හමුවේ නෛතික පියවර ගැනීමට නිලධාරීන් කටයුතු කර ඇත. සැණකෙළි සමය තුළ පාරිභෝගික ආරක්ෂාව තහවුරු කිරීම සඳහා මෙවැනි වැටලීම් ඉදිරියටත් සිදු කරන බව සෞඛ්ය අංශ අවධාරණය කරයි.
