තායිලන්තයේ පැවැත්වෙන ආසියානු කුසලාන සුදුසුකම් ලැබීමේ පිරිමි හොකී තරගාවලියේ අවසන් මහා තරගයට සුදුසුකම් ලැබීමට ශ්රී ලංකා කණ්ඩායම අද (09) සමත් විය. අද පැවති තීරණාත්මක අවසන් පූර්ව තරගයේදී ඉන්දුනීසියාව ගෝල 3-2ක් ලෙස පරාජය කරමින් ශ්රී ලංකාව මෙම ජයග්රහණය වාර්තා කළේය.
ඒ අනුව හෙට (10) පැවැත්වෙන අවසන් මහා තරගයේදී ශ්රී ලංකා කණ්ඩායම ඕමානය සමඟ තරග වැදීමට නියමිතය. මෙම කැපී පෙනෙන දක්ෂතාවයත් සමඟ, එළඹෙන සැප්තැම්බර් මාසයේදී ජපානයේ පැවැත්වීමට නියමිත ආසියානු කුසලාන හොකී තරගාවලිය සඳහා ද ශ්රී ලංකාව මේ වන විටත් සිය ස්ථානය වෙන් කරගෙන තිබීම විශේෂත්වයකි.
