ඉරානය සමඟ ඇති කරගත් සටන් විරාමය දැඩි ලෙස විවේචනය කරමින් ඊශ්රායල ඩයස්පෝරා කටයුතු පිළිබඳ අමාත්ය අමිචයි චික්ලි (Amichai Chikli) අද ප්රකාශ කළේ, මෙම එකඟතාවය බරපතළ “වැරදීමක්” බවයි. අතීතයේ ජපන් අධිරාජ්යය සහ නාසි ජර්මනිය වැනි රටවල් සමඟ කටයුතු කළ ආකාරයටම, මෙවැනි රටවල් ද සාකච්ඡා මාර්ගයෙන් නොව ඔවුන් “දණගැස්වීම” (Bring them to their knees) මගින් පරාජය කළ යුතු බව ඔහු අවධාරණය කළේය.
අල් ජසීරා පුවත් සේවයට අදහස් දක්වමින් අමාත්යවරයා වැඩිදුරටත් ප්රකාශ කළේ, මෙම සටන් විරාමය දිගටම පවත්වාගෙන යාමට ඇත්තේ 50%ක වැනි අවම සම්භාවිතාවක් පමණක් බවයි. ඊශ්රායලය සහ අමෙරිකාව එක්ව ඉරානයේ යටිතල පහසුකම්වලට එල්ල කළ ප්රහාර සහ හෝමුස් සමුද්ර සන්ධිය වටා පවතින උණුසුම් වාතාවරණය මධ්යයේ, සටන් විරාමයකට එළඹීම ඊශ්රායලයේ ආරක්ෂාවට තර්ජනයක් විය හැකි බව ඔහුගේ මතයයි.
ජනාධිපති ට්රම්ප් සහ ඉරාන නව පාලනය අතර සබඳතා පිළිබඳ යම් බලාපොරොත්තුවක් පවතින මොහොතක, ඊශ්රායල රජයේ ප්රබල අමාත්යවරයෙකු මෙලෙස නාසි ජර්මනිය වැනි උදාහරණ ගෙනහැර දක්වමින් සටන් විරාමයට විරෝධය පළ කිරීම ජාත්යන්තර දේශපාලන කරළිය තුළ දැඩි කතාබහට ලක්ව තිබේ. මෙය ඊශ්රායල රජයේ අභ්යන්තරයේ පවතින මත ගැටුම් ද මනාව පෙන්නුම් කරන බව දේශපාලන විශ්ලේෂකයෝ පෙන්වා දෙති.
තොරතුරු උපුටා ගැනීම:Mario nawfal (x) ඇසුරින්
