ඉරානය කේන්ද්ර කරගනිමින් පවතින යුදමය වාතාවරණය හේතුවෙන් ලෝක ආර්ථිකය මත ඇති වන “කැළැල් සහගත බලපෑම්” (Scarring effects) සටන් විරාමයකින් පසුව වුවද පහසුවෙන් මැකී නොයනු ඇති බව ජාත්යන්තර මූල්ය අරමුදල (IMF) අනතුරු අඟවයි. ජාත්යන්තර මූල්ය අරමුදලේ කළමනාකාර අධ්යක්ෂිකා ක්රිස්ටලිනා ජෝර්ජියේවා මහත්මිය පෙන්වා දෙන්නේ යුද්ධය සම්බන්ධයෙන් සුබවාදී අපේක්ෂාවන් පැවතියද, ගෝලීය ආර්ථික වර්ධන වේගය පහත වැටීම වැළැක්විය නොහැකි බවයි.
යුද්ධයට පෙර පැවති සාමාන්ය තත්ත්වයට ලෝක ආර්ථිකය කඩිනමින් යළි පැමිණීමේ හැකියාවක් නොමැති බව අවධාරණය කරන ඇය, මෙම යුදමය වාතාවරණය හේතුවෙන් සැපයුම් දාමයන්ට සහ බලශක්ති වෙළඳපොළට එල්ල වී ඇති බලපෑම දිගුකාලීන ආර්ථික අර්බුද නිර්මාණය කර ඇති බව ද පෙන්වා දෙයි. මේ හේතුවෙන් ඉදිරි වසර කිහිපය තුළ ලෝක ආර්ථිකය යථා තත්ත්වයට පත් කිරීම විශාල අභියෝගයක් වනු ඇති බව විදෙස් මාධ්ය වාර්තා කරයි.
