දින 10 ක සාර්ථක සඳ වටා ගමනකින් පසු, NASA හි Artemis II මෙහෙයුමේ නිරත ගගනගාමීන් සිව්දෙනා සිය ගමනේ වඩාත්ම තීරණාත්මක සහ අවදානම් සහගත අදියර වන පෘථිවියට නැවත ඇතුළු වීමේ ක්රියාවලියට සූදානම් වෙමින් සිටිති. මෙහිදී Orion යානය කිලෝමීටර් 121 ක උසක සිට පැසිෆික් සාගරය හරහා කිලෝමීටර් 3,218 ක දුරක් ගෙවා කැලිෆෝනියා වෙරළට ඔබ්බෙන් වූ ස්ථානයකට ගොඩබැසීමට (splashdown) නියමිතය.
මෙම ගමන සඳහා ගතවන්නේ විනාඩි 13 ක කාලයක් පමණක් වුවද, යානය සෙල්සියස් අංශක 2,760 ක දැවැන්ත උෂ්ණත්වයකට මුහුණ දිය යුතු වේ. විශේෂයෙන්ම මෙම කාලය තුළ අඩකට ආසන්න කාලයක් NASA පාලක මැදිරිය සමඟ පවතින සන්නිවේදන සබඳතා සම්පූර්ණයෙන්ම ඇනහිටින අතර, එය ගගනගාමීන්ට මහත් අභියෝගයක් වනු ඇත. ගගනගාමී වික්ටර් ග්ලෝවර් සඳහන් කරන්නේ වසර තුනකට පෙර මෙම මෙහෙයුම සඳහා තේරී පත් වූ දා සිට තමන් මෙම තීරණාත්මක මොහොත පිළිබඳව අවධානයෙන් පසුවන බවයි.
