ඇමරිකා එක්සත් ජනපදයේ මේරිලන්ඩ් (Maryland) ප්රාන්තයේ ටෝසන් (Towson) නගරයේ පිහිටි සිය සිල්ලර වෙළඳසැල වසා දැමීමට ඇපල් සමාගම තීරණය කර තිබේ. මෙය 2022 වසරේදී ඇපල් සේවකයින් ප්රථම වරට වෘත්තීය සමිතියක් පිහිටුවා ගත් ඓතිහාසික ස්ථානය වීම විශේෂත්වයකි. ටෝසන් ටවුන් සෙන්ටර් සාප්පු සංකීර්ණයේ පවතින අයහපත් තත්ත්වයන් මෙම තීරණයට හේතු වූ බව ඇපල් සමාගම පවසයි.
කෙසේ වෙතත්, අදාළ වෘත්තීය සමිතිය (IAM Union) මෙම තීරණය දැඩි ලෙස විවේචනය කර ඇති අතර, මෙය වෘත්තීය සමිති ක්රියාකාරීත්වය මර්දනය කිරීම සඳහා ගත් “කූට උත්සාහයක්” බවට චෝදනා කරයි. මෙම වසා දැමීමට එරෙහිව නීතිමය පියවර ගන්නා බව ද ඔවුන් අවධාරණය කර ඇත. මීට අමතරව කනෙක්ටිකට් සහ කැලිෆෝනියා ප්රාන්තවල පිහිටි තවත් වෙළඳසැල් කිහිපයක් ද වසා දැමීමට ඇපල් සමාගම සැලසුම් කර තිබේ.
