ඉන්දියාවේ චතිස්ගාර් ප්රාන්තයේ කාන්කර් (Kanker) දිස්ත්රික්කයේ 30 වැනි ජාතික මහා මාර්ගයේ ඊයේ රාත්රියේ සිදු වූ දරුණු රිය අනතුරකින් පුද්ගලයන් හය දෙනෙකු ජීවිතක්ෂයට පත්ව තිබේ. කොට්වාලි පොලිස් වසමට අයත් නාතියා නවගාඕන් (Nathiya Navagaon) ප්රදේශයේදී මෝටර් රථ දෙකක් මුහුණට මුහුණ ගැටීමෙන් මෙම අනතුර සිදුව ඇති බව වාර්තා වේ.
අනතුරින් තවත් පුද්ගලයන් තිදෙනෙකු බරපතල තුවාල ලබා ඇති අතර, ඔවුන් ප්රතිකාර සඳහා කාන්කර් වෛද්ය විද්යාල රෝහලට ඇතුළත් කර ඇත. සිද්ධිය සැල වූ වහාම පොලිසිය සහ සහන සේවා කණ්ඩායම් එම ස්ථානයට පැමිණ සහන කටයුතු ආරම්භ කර තිබේ. අධික වේගය හෝ අපරීක්ෂාකාරී රිය ධාවනය මෙම අනතුරට හේතු වන්නට ඇති බවට සැක කෙරෙන අතර පොලිසිය මේ පිළිබඳව වැඩිදුර විමර්ශන පවත්වයි.
