බෙයිජිං නුවරදී අද (10) පෙරවරුවේ චීන කොමියුනිස්ට් පක්ෂයේ මහලේකම්, ජනාධිපති ෂී ජින්පින් මහතා සහ තායිවානයේ ප්රධාන විපක්ෂය වන කුඕමින්ටැං (KMT) පක්ෂයේ සභාපතිනී චෙං ලී-වූන් මහත්මිය අතර විශේෂ සාකච්ඡාවක් පවත්වා තිබේ. මෙම හමුවේදී චීන ජනාධිපතිවරයා අවධාරණය කළේ තායිවාන සමුද්ර සන්ධියේ දෙපසම වෙසෙන ජනතාව සහ ස්වදේශිකයන් එකම චීන ජාතියකට අයත් වන බවයි. සියලුම ජනවාර්ගික කණ්ඩායම් එක්ව නිර්මාණය කළ එක්සත් බහුවාර්ගික චීනය තුළ නොබෙදිය හැකි දේශභූමියක් සහ පොදු ශිෂ්ටාචාරයක් පවතින බවත්, ජාත්යන්තර තත්ත්වයන් කෙසේ වෙනස් වුවද චීන ජාතියේ පුනර්ජීවනය නතර කළ නොහැකි බවත් ඔහු පෙන්වා දුන්නේය.
මෙහිදී අදහස් දැක්වූ කුඕමින්ටැං පක්ෂ සභාපතිනී චෙං ලී-වූන් මහත්මිය ප්රකාශ කළේ දෙපාර්ශවයම චීන සංස්කෘතියෙන් පෝෂණය ලබන එකම පවුලක සාමාජිකයන් වන බවයි. සන් යෙට්-සෙන් (Sun Yat-sen) මහතාගේ චීන ජාතික පුනර්ජීවන මෙහෙයුම ඉදිරියට ගෙන යාම සඳහා “1992 සම්මුතිය” අනුගමනය කිරීමේ වැදගත්කම ඇය පෙන්වා දුන්නාය. එසේම “තායිවාන ස්වාධීනත්වයට” විරුද්ධ වීම යන පොදු දේශපාලන පදනම මත පිහිටා පක්ෂ දෙක අතර අන්යෝන්ය විශ්වාසය තහවුරු කරගත යුතු බව ද ඇය මෙහිදී වැඩිදුරටත් සඳහන් කළාය.
