ලෙබනනය තුළ සිදුවන බරපතළ සටන් විරාම උල්ලංඝනය කිරීම් සම්බන්ධයෙන් පකිස්ථානය සහ ප්රංශය සිය දැඩි කනස්සල්ල පළ කර තිබේ. පකිස්ථාන නියෝජ්ය අගමැති සහ විදේශ අමාත්ය ඉෂාක් ඩාර් සහ ප්රංශ විදේශ අමාත්ය ජීන්-නොයෙල් බැරෝ අතර අද (10) පෙරවරුවේ පැවැති දුරකථන සංවාදයකදී මෙම කරුණු අනාවරණය විය. මෙහිදී දෙරටේම විදේශ අමාත්යවරුන් අවධාරණය කළේ පවතින සටන් විරාම එකඟතා සම්පූර්ණයෙන්ම ක්රියාත්මක කිරීමේ සහ ඒවාට ගරු කිරීමේ වැදගත්කමයි.
මෙම ප්රකාශය රාජ්යතාන්ත්රික වශයෙන් ඉතා වැදගත් වන්නේ ඇමරිකාව සහ ඉරානය අතර සටන් විරාමයට මැදිහත් වූ පකිස්ථානය, එම එකඟතාව ලෙබනනයට ද අදාළ වන බව ප්රකාශ කර තිබීම හේතුවෙනි. කෙසේ වෙතත්, ඇමරිකාව සහ ඊශ්රායලය එම මතය ප්රතික්ෂේප කර ඇති අතර, සටන් විරාමය ප්රකාශයට පත් කර පැය කිහිපයකට පසු ඊශ්රායලය ලෙබනනයට එල්ල කළ දැවැන්ත ප්රහාරවලින් පුද්ගලයන් 200කට අධික පිරිසක් ජීවිතක්ෂයට පත් විය. සටන් විරාමය සඳහා ලෙබනනය ද ඇතුළත් විය යුතු බවට ප්රංශය ද දිගින් දිගටම තර්ක කරමින් සිටින පසුබිමක මෙම ද්විපාර්ශ්වික සාකච්ඡාව සිදුවීම විශේෂත්වයකි.
