එළඹෙන අලුත් අවුරුදු උත්සව සමය තුළ දරුවන් පිළිබඳව වැඩි අවධානයකින් සහ විමසිල්ලෙන් කටයුතු කරන ලෙස කොළඹ රිජ්වේ ආර්යා ළමා රෝහලේ විශේෂඥ වෛද්ය දීපාල් පෙරේරා මහතා දෙමාපියන්ගෙන් ඉල්ලා සිටියි. දෙමාපියන්ගේ නොසැලකිලිමත්කම නිසා දරුවන්ට සිදුවන අනතුරු වළක්වා ගැනීමට මෙම කාලයේදී වැඩි වගකීමකින් ක්රියා කළ යුතු බව අවධාරණය කරන වෛද්යවරයා, සෑම වසරකම ගිනිකෙළි නිසා ඇඟිලි අහිමි කරගත් සහ ඇස්වලට බරපතළ හානි සිදු කරගත් දරුවන් රෝහල් ගත කරන බැවින් මෙවර එවැනි අනතුරු අවම කර ගැනීමට දරුවන් ගිනිකෙළි භාවිතා කිරීමේදී දැඩි අවධානයෙන් සිටිය යුතු බව පෙන්වා දෙයි.
දරුවන් ජංගම දුරකථනවලට සීමා නොවී සාම්ප්රදායික ජන ක්රීඩා සඳහා යොමු කරන ලෙසත්, අවුරුදු කෑම මේසයේ ඇති කැවුම් සහ කිරිබත් වැනි දේශීය ආහාර මෙන්ම පලතුරු දරුවන්ට හඳුන්වා දීමේ වැදගත්කමත් ඔහු මෙහිදී පෙන්වා දුන්නේය. එමෙන්ම පියවරුන් මත්පැන් පානය කර දරුවන් සමඟ වාහන පදවාගෙන යාම නිසා සිදුවන මාරක අනතුරු පිළිබඳව අනතුරු අඟවන වෛද්යවරයා, විශේෂයෙන් විනෝද ගමන් යන අවස්ථාවලදී ජලාශ ආශ්රිතව සහ මාර්ගවලදී දරුවන් ගැන දැඩි අවධානයක් යොමු කරන ලෙස දෙමාපියන්ගෙන් වැඩිදුරටත් ඉල්ලා සිටියි.
