විපක්ෂ නායක සජිත් ප්රේමදාස මහතා ඉලක්ක කර ගනිමින් එල්ල වන මඩගැසීම් සහ විවේචනවලට ප්රධාන හේතුව ඔහු කෙරෙහි පවතින දේශපාලන බිය බව සමගි ජන බලවේගයේ ජාතික සංවිධායක තිස්ස අත්තනායක මහතා ප්රකාශ කරයි. විපක්ෂ නායකවරයා ජනතාව සමඟ සමීපව කටයුතු කරන නායකයෙකු වීම හේතුවෙන් රජය කලබලයට පත්ව සිටින බව ඔහු පෙන්වා දෙයි.
තිස්ස අත්තනායක මහතා වැඩිදුරටත් අවධාරණය කළේ, රටේ පවතින සැබෑ ප්රශ්නවලට විසඳුම් දීමට රජය අපොහොසත් වී ඇති වතාවරණයක, විපක්ෂයේ වැඩපිළිවෙළ අඩපණ කිරීම සඳහා මෙවැනි විවේචන එල්ල කරන බවයි. විශේෂයෙන්ම අධ්යාපන සහ සෞඛ්ය ක්ෂේත්ර නඟාසිටුවීම සඳහා විපක්ෂ නායකවරයා ගෙන යන ‘සක්වල’ සහ ‘හුස්ම’ වැනි වැඩසටහන් ජනතාව අතර ජනප්රිය වීම රජයේ විවේචනවලට ප්රධානතම හේතුව වී ඇති බවද ඔහු සඳහන් කළේය.
