ෆ්ලොරිඩාවේ කෝකෝ බීච් (Cocoa Beach) උසස් විද්යාලයේ 37 හැවිරිදි ගණිත ගුරුවරියක වන කර්ස්ටන් රෝස් (Kirsten Rose), සිය සිසුවෙකු සමඟ අනිසි ලිංගික සබඳතාවක් පැවැත්වීමේ චෝදනාව මත බ්රෙවාර්ඩ් ප්රාන්ත පොලිසිය විසින් අත්අඩංගුවට ගෙන තිබේ. මෙම රහසිගත සබඳතාව හෙළි වී ඇත්තේ අදාළ ශිෂ්යයා එක්තරා රාත්රියක නිවසට පැමිණීමට ප්රමාද වීම නිසා ඔහුගේ දෙමාපියන් කළ සොයා බැලීමක ප්රතිඵලයක් වශයෙනි.
පසුගිය මාර්තු මාසයේදී සිය පුත්රයා නිවසට පැමිණීම ප්රමාද වූ විට දෙමාපියන් ඔහුගේ දුරකථනයේ පිහිටීම (Location) පරීක්ෂා කර ඇති අතර එහිදී ඔහු තමන් නොදන්නා ස්ථානයක සිටින බව නිරීක්ෂණය වී ඇත. ඒ පිළිබඳව ප්රශ්න කිරීමේදී ඔහු සිය පෙම්වතියගේ නිවසේ සිටි බව පවසා ඇති නමුත් ඇය කවුරුන්ද යන්න හෙළි කර නැත. පසුව සිදුකළ දැඩි ප්රශ්න කිරීම් හමුවේ තමා සිය ගණිත ගුරුවරිය සමඟ සබඳතාවක් පවත්වන බවට ඔහු පාපොච්චාරණය කර තිබේ.
විශේෂ විමර්ශන ඒකකය මඟින් සිදුකළ පරීක්ෂණවලදී අනාවරණය වී ඇත්තේ 2025 නොවැම්බර් මාසයේ සිට මොවුන් දෙදෙනා ඉන්ස්ටග්රෑම් (Instagram) ඔස්සේ සන්නිවේදනය කර ඇති බවයි. එම සබඳතාව 2026 වසරේ මුල් භාගයේදී ලිංගික සබඳතාවක් දක්වා වර්ධනය වී ඇති බවට සාක්ෂි හමු වී ඇත. ඒ අනුව බලය අනිසි ලෙස භාවිතා කිරීම සහ බාලවයස්කරුවෙකු සමඟ නීතිවිරෝධී ලිංගික ක්රියාවල නිරත වීම යන චෝදනා යටතේ කර්ස්ටන් රෝස් අත්අඩංගුවට ගෙන බ්රෙවාර්ඩ් ප්රාන්ත බන්ධනාගාරය වෙත යොමු කර තිබේ.
