එළඹෙන සිංහල හා දෙමළ අලුත් අවුරුදු උත්සව සමයේ සමාජ මාධ්ය භාවිත කිරීමේදී දැඩි අවධානයෙන් හා ප්රවේශමෙන් කටයුතු කරන ලෙස පොලිස් මූලස්ථානය මහජනතාවගෙන් විශේෂ ඉල්ලීමක් කරයි. නිවාඩු කාලය තුළ විනෝද චාරිකා හෝ ගමන් බිමන් යන අවස්ථාවලදී ලබාගන්නා ඡායාරූප සහ වීඩියෝ දර්ශන එසැණින් අන්තර්ජාලයට එක් කිරීමෙන් වළකින ලෙස පොලිසිය උපදෙස් දෙයි.
තමන් නිවසේ නොමැති බව ඇඟවෙන අයුරින් සමාජ මාධ්ය ඔස්සේ ප්රසිද්ධියේ තොරතුරු හුවමාරු කිරීම මඟින් සොරුන්ට සහ විවිධ අපරාධකරුවන්ට ඒ සඳහා අවස්ථාව නිර්මාණය විය හැකි බව පොලිසිය පෙන්වා දෙයි. නිවෙස්වල ආරක්ෂාව පිළිබඳ සැලකිලිමත් වෙමින්, එවැනි ආරක්ෂක අවදානම් අවම කරගැනීම සඳහා මෙම පියවර අනුගමනය කිරීම අත්යවශ්ය බව පොලිස් නිවේදනයේ සඳහන් වේ.
එබැවින් තම නිවාඩු කාලයේ අත්දැකීම් සහ ඡායාරූප සමාජ මාධ්ය වෙත මුදාහැරීමට අවශ්ය නම්, ඒවා නැවත නිවසට පැමිණීමෙන් පසුව සිදු කරන ලෙස පොලිසිය වැඩිදුරටත් ඉල්ලා සිටියි. උත්සව සමයේ සිදුවිය හැකි සොරකම් සහ අනෙකුත් අපරාධ වැළැක්වීම සඳහා මහජනතාවගේ සහයෝගය අපේක්ෂා කරන බව ද පොලිසිය අවධාරණය කරයි.
