පසුගිය අප්රේල් 08 වැනිදා සිට මේ දක්වා මගීන් 55,000කට අධික පිරිසක් මාකුඹුර බහුවිධ ප්රවාහන මධ්යස්ථානය භාවිතා කරමින් සිය ගම්බිම් බලා පිටත්ව ගොස් ඇති බව ජාතික ගමනාගමන කොමිෂන් සභාව පවසයි. ජාතික ගමනාගමන කොමිෂන් සභාවේ අධ්යක්ෂ (සැලසුම්) ආලෝකා කරුණාරත්න මහත්මිය සඳහන් කළේ ඉන් වැඩිම මගීන් පිරිසක් වාර්තා වී ඇත්තේ ඊයේ (11) දිනයේදී බවයි.
මාකුඹුර මධ්යස්ථානයේ සිට සෑම විනාඩි 15ත් 20ත් අතර කාලයකදී දුරගමන් බස් රථයක් පිටත්වන පරිදි කටයුතු සූදානම් කර ඇති අතර, ලංකා ගමනාගමන මණ්ඩලය (ලංගම) සහ පෞද්ගලික බස් රථ ඒකාබද්ධව කාලසටහන් අනුව ධාවනය කෙරේ. ඇතැම් බස් රථ දිනකට ගමන්වාර තුනක් දක්වා ධාවනයට එක් කර තිබේ. උත්සව සමය නිමවී නැවත කොළඹ බලා පැමිණෙන මගීන් වෙනුවෙන් අප්රේල් 16 සිට 21 දක්වා විශේෂ බස් රථ සේවා ක්රියාත්මක කිරීමට සැලසුම් කර ඇත. ප්රවාහන මධ්යස්ථානයේ වත්මන් තත්ත්වය නිරීක්ෂණය කළ නිලධාරීන් පෙන්වා දුන්නේ මගීන්ට ආරක්ෂිතව සහ ප්රමිතියකින් යුතුව ගමන් පහසුකම් සැලසීමට අවශ්ය සියලු පියවර ගෙන ඇති බවයි. දිවයිනේ සෙසු පළාත්වල ද මීට සමගාමීව ඒකාබද්ධ මගී ප්රවාහන සේවා ක්රියාත්මක වේ.
