ඇමරිකාව විසින් අද (13) පස්වරුවේ ආරම්භ කිරීමට නියමිත නාවික අවහිරතාවට පෙර ඉන්ධන ප්රවාහන නෞකා හෝමුස් සමුද්ර සන්ධියෙන් ඉවත්වෙමින් පවතින බව නාවික ගමන්මග දත්ත පෙන්වා දෙයි. ඇමරිකාව සහ ඉරානය අතර සති අන්තයේ පැවැති සාම සාකච්ඡා එකඟතාවයකින් තොරව අවසන් වීමත් සමඟ ජනාධිපති ඩොනල්ඩ් ට්රම්ප් විසින් මෙම දැඩි තීරණය ගනු ලැබීය. ඒ අනුව අද දින ග්රීනිච් වේලාවෙන් 14:00 ට (ශ්රී ලංකාවේ වේලාවෙන් රාත්රී 7:30 ට පමණ) ඉරාන වරායන් ඉලක්ක කරගත් මෙම අවහිරතාව ආරම්භ වීමට නියමිතය.
ඇමරිකානු මධ්යම විධානය (CENTCOM) පවසන්නේ ඉරාන වරායන් වෙත ඇතුළු වන සහ පිටවන සියලුම නෞකාවන් සඳහා මෙම තීරණය අපක්ෂපාතීව ක්රියාත්මක කරන බවයි. කෙසේ වෙතත් ඉරාන නොවන වෙනත් වරායන් වෙත ගමන් කරන නෞකාවල නිදහස් ගමනාගමනයට බාධා නොකරන බව ද ඔවුන් සඳහන් කර තිබේ. මේ අතර මෝල්ටා ධජය යටතේ ගමන් කළ ‘Agios Fanourios I’ නම් දැවැන්ත තෙල් නැව සමුද්ර සන්ධියට ඇතුළු වීමට උත්සාහ කර පසුව සිය ගමන් මග වෙනස් කර යළි ඕමාන් බොක්ක දෙසට හැරී ඇති බව වාර්තා වේ.
ඉරාන විප්ලවීය ආරක්ෂක බලකාය (Revolutionary Guards) අනතුරු අඟවා ඇත්තේ සමුද්ර සන්ධියට ඇතුළු වන ඕනෑම යුද නෞකාවක් සටන් විරාමය උල්ලංඝනය කිරීමක් ලෙස සලකා දැඩි ප්රතිචාර දක්වන බවයි. මෙම උණුසුම්කාරී තත්ත්වය හමුවේ පාකිස්ථානයට අයත් ‘Shalamar’ සහ ‘Khairpur’ යන නැව් දෙක පසුගිය ඉරිදා සමුද්ර සන්ධිය හරහා ගමන් කර ඇති අතර තවත් සුපිරි තෙල් නැව් තුනක් සෙනසුරාදා දින සමුද්ර සන්ධියෙන් පිටවී තිබේ. ලෝක බලශක්ති සැපයුමට තීරණාත්මක බලපෑමක් එල්ල කරන මෙම අවහිරතාව ඉදිරි පැය කිහිපය තුළ කලාපයේ ආරක්ෂාවට දැඩි අභියෝගයක් එල්ල කරනු ඇතැයි විශ්වාස කෙරේ.
