මධ්යම කඳුකර ප්රදේශවලට ඉදිරි පැය කිහිපය තුළ ගිගුරුම් සහිත තද වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි. වායුගෝලයේ පවතින අස්ථාවර ස්වභාවය හේතුවෙන් පස්වරුවේ හෝ රාත්රී කාලයේදී මෙම තත්ත්වය තවදුරටත් වර්ධනය විය හැකි අතර, ඇතැම් ස්ථානවලට මිලිමීටර් 100 ඉක්මවූ තද වැසි ඇතිවීමේ හැකියාවක් පවතින බව ද වාර්තා වේ.
ගිගුරුම් සහිත වැසි සමග තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස ප්රදේශවාසීන්ගෙන් ඉල්ලා සිටිනු ලැබේ. විශේෂයෙන් කඳුකර ප්රදේශවල නායයෑම් හෝ පස් කඩාවැටීම් පිළිබඳ අවදානම් පවතින බැවින් ඒ පිළිබඳව සැලකිලිමත් වීම අත්යවශ්ය වේ. වර්ෂාපතනයත් සමඟ මාර්ග ලිස්සා යාමේ අවදානමක් පවතින බැවින් රියදුරන් වඩාත් ආරක්ෂිත පියවර අනුගමනය කළ යුතු බව ද අවධාරණය කෙරේ.
