කුවේට් රාජ්යය සිය පුරවැසිභාවය පිළිබඳ නීති පද්ධතියේ (Citizenship Law) ප්රධාන සංශෝධන කිහිපයක් සිදු කරමින් 2026 අංක 52 දරන නව නියෝගය ප්රකාශයට පත් කර තිබේ. ජාතික අනන්යතාවය සුරැකීම සහ මානුෂීය මෙන්ම සමාජීය සාධක තුලනය කිරීම අරමුණු කරගනිමින් මෙම සංශෝධන හඳුන්වා දී ඇති බව කුවේට් නිල පුවත් සේවය (KUNA) වාර්තා කරයි.
පුරවැසිභාවය ලබා දීම, ඉල්ලා අස්කර ගැනීම සහ අවලංගු කිරීම සම්බන්ධයෙන් රජයට පවතින ස්වෛරී බලය මෙම සංශෝධන හරහා තවදුරටත් ශක්තිමත් කර ඇත. පුරවැසිභාවය සම්බන්ධ තීරණ ගැනීමේදී අදාළ අමාත්යවරුන්ට පුළුල් බලතල හිමිවන අතර, එවැනි තීරණ අධිකරණය හමුවේ අභියෝගයට ලක් කිරීමේ හැකියාව සීමා කර තිබේ. 1959 අංක 15 දරන මූලික පුරවැසි පනතට සිදු කරන ලද මෙම සංශෝධන මගින් දැනට පවතින නීතිමය ගැටුම් නිරාකරණය කරමින් වඩාත් දැඩි පාලන ක්රමවේදයක් ස්ථාපිත කෙරේ.
කුවේට් රාජ්යයේ ජාතික ආරක්ෂාව සහ ජනගහන ව්යුහය වඩාත් විධිමත් කිරීම සඳහා මෙම තීරණය ගෙන ඇති බව විදෙස් මාධ්ය පෙන්වා දෙයි.
