එක්සත් අරාබි එමීර් රාජ්යය (UAE) විසින් සිය වීසා බලපත්ර ලබාදීමේ ක්රියාවලිය තවදුරටත් දැඩි කිරීමට පියවර ගෙන තිබේ. මේ අනුව ශ්රී ලංකාව ඇතුළු රටවල් කිහිපයක පුද්ගලයින් සඳහා එරට නේවාසික වීසා (Residence Visas) ලබා ගැනීමේදී පොලිස් නිශ්කාශන සහතිකය (Police Clearance Certificate) ඉදිරිපත් කිරීම අනිවාර්ය කර ඇත. 2026 අප්රේල් මාසයේ සිට ක්රියාත්මක වන මෙම නව රෙගුලාසියට අනුව, අයදුම්කරුවන්ට අපරාධ වාර්තා නොමැති බව නිල වශයෙන් සනාථ කළ යුතු වේ.
මෙම තීරණය ගෙන ඇත්තේ එරට ආරක්ෂක පියවරයන් තවදුරටත් ශක්තිමත් කිරීමේ සහ පදිංචිය සඳහා පැමිණෙන පුද්ගලයින් වඩාත් විධිමත් ලෙස පරීක්ෂා කිරීමේ අරමුණින් බව බලධාරීහු පවසති. ශ්රී ලංකාවට අමතරව ඊජිප්තුව, ඉන්දුනීසියාව, නේපාලය සහ කෙන්යාව වැනි රටවල් කිහිපයක් ද මෙම නව නීතිය ක්රියාත්මක වන ලැයිස්තුවට ඇතුළත් කර තිබේ. පොලිස් සහතිකය ඉදිරිපත් කිරීමට අපොහොසත් වන අයදුම්කරුවන්ගේ වීසා අයදුම්පත් සෘජුවම ප්රතික්ෂේප වීමේ අවදානමක් පවතින බව ද වාර්තා වේ.
විදේශ රැකියා හෝ පදිංචිය සඳහා එක්සත් අරාබි එමීර් රාජ්යයට යාමට බලාපොරොත්තු වන ලාංකිකයින්, සිය අයදුම්පත් ඉදිරිපත් කිරීමට පෙර මෙම නව අවශ්යතා සපුරා තිබේදැයි නැවත පරීක්ෂා කරන ලෙස උපදෙස් දෙනු ලැබේ. මෙම ලැයිස්තුවට ඇතුළත් කර ඇති රටවල් ඉදිරියේදී වෙනස් විය හැකි බැවින්, නිල තොරතුරු කෙරෙහි අවධානයෙන් පසුවීම අත්යවශ්ය වේ. මෙම නව නීතිය ක්රියාත්මක වීමත් සමඟ වීසා ක්රියාවලිය සඳහා ගතවන කාලය සහ අවශ්ය ලේඛන කටයුතු පිළිබඳව අයදුම්කරුවන් වඩාත් සැලකිලිමත් විය යුතුය.
