ඉරාන යුද්ධයට එරෙහිව අදහස් දැක්වීම හේතුවෙන් ලියෝ පාප් වහන්සේ (Pope Leo) දැඩි ලෙස විවේචනය කිරීමට ඇමෙරිකානු ජනාධිපති ඩොනල්ඩ් ට්රම්ප් පියවර ගෙන තිබේ. පාප් වහන්සේ “අධික ලිබරල්වාදියෙකු” බවට චෝදනා කරන ට්රම්ප්, උන්වහන්සේ වාමාංශික දේශපාලන කණ්ඩායම්වල අවශ්යතා ඉටුකරන බවට ද ප්රකාශ කර ඇත. “මම ලියෝ පාප් වහන්සේගේ රසිකයෙක් නෙවෙයි” යනුවෙන් පවසමින් ජනාධිපතිවරයා සිය අප්රසාදය ප්රසිද්ධියේ පළ කර තිබේ.
කෙසේ වෙතත්, ජනාධිපතිවරයාගේ මෙම විවේචන හමුවේ සිය ස්ථාවරය වෙනස් නොකිරීමට පාප් වහන්සේ වගබලා ගත්හ. සාමය වෙනුවෙන් තමන් පෙනී සිටින්නේ දේශපාලන අරමුණකින් නොව බයිබලයේ සඳහන් ශුද්ධ වූ සුභාරංචිය (Gospel) පදනම් කරගෙන බව උන්වහන්සේ මාධ්යවේදීන්ට පවසා ඇත. තමන්ගේ කාර්යභාරය “දේශපාලනඥයෙකු” වීම නොවන බව අවධාරණය කළ පාප් වහන්සේ, යුද්ධය නැවැත්වීම සඳහා වන සිය මානුෂීය ඉල්ලීම දිගටම පවත්වාගෙන යන බව ද ප්රකාශ කළහ.
මැදපෙරදිග අර්බුදය හමුවේ ලෝකයේ ප්රබලතම දේශපාලන නායකයෙකු සහ ප්රධානතම ආගමික නායකයෙකු අතර ඇති වී තිබෙන මෙම මතභේදාත්මක තත්ත්වය ජාත්යන්තර ප්රජාවගේ දැඩි අවධානයට ලක්ව තිබේ.
තොරතුරු උපුටා ගැනීම: fox news(x) ඇසුරින්
