ලෝකය පෙර නොවූ විරූ වෙනස්කම්වලට ලක්වෙමින් පවතින පසුබිමක, චීනය සහ අරාබි ලෝකය අතර වඩාත් ශක්තිමත් සහ ගතික හවුල්කාරිත්වයක් ගොඩනැගිය යුතු බව චීන ජනාධිපති ෂී ජින්පින් අද (අප්රේල් 14) අවධාරණය කළේය. බීජිං නුවර මහජන මහා ශාලාවේදී (Great Hall of the People) අබුඩාබි ඔටුන්න හිමි කුමරු වන ෂෙයික් කලීඩ් බින් මොහොමඩ් බින් සයීඩ් අල් නහියන් (Sheikh Khaled bin Mohamed bin Zayed Al Nahyan) හමු වූ අවස්ථාවේදී ජනාධිපතිවරයා මේ බව සඳහන් කර තිබේ.
මනුෂ්ය සමාජය සාමය සහ යුද්ධය මෙන්ම එකමුතුකම සහ ගැටුම යන තීරණාත්මක තේරීම් හමුවේ සිටින බැවින්, දෙපාර්ශවය අතර වැඩි සම්බන්ධීකරණයක් සහ සහයෝගීතාවයක් අවශ්ය බව ජනාධිපති ෂී මෙහිදී වැඩිදුරටත් පෙන්වා දුන්නේය. වර්තමාන ගෝලීය දේශපාලන වාතාවරණය තුළ අරාබි කලාපය සමඟ පවතින සබඳතා නව මානයකට රැගෙන යාමට චීනය සූදානම් බව මෙම හමුවේදී යළිත් තහවුරු විය.
