පසුගිය ඉරිදා චෙල්සි කණ්ඩායමට එරෙහිව මැන්චෙස්ටර් සිටි කණ්ඩායම ලැබූ විශිෂ්ට ජයග්රහණයත් සමඟ සමාජ මාධ්ය ජාලා තුළ අලුත්ම ‘මීම්’ (Meme) රැල්ලක් නිර්මාණය වී තිබේ. මැන්චෙස්ටර් සිටි ක්රීඩක ජෙරමි ඩොකු සිය කණ්ඩායමේ තුන්වන ගෝලය වාර්තා කිරීමෙන් පසු ක්රීඩාංගණයේ සිටි සිටි ලෝලියෙකු සිදුකළ අපූර්ව සැමරුමක් මෙලෙස ලොව පුරා පාපන්දු ලෝලීන් අතර ප්රසිද්ධියට පත්ව ඇත.
චෙල්සි ලෝලීන් මවිතයට පත් කරමින් සිටි ක්රීඩාංගණයේ සිටි මෙම ප්රේක්ෂකයා, ආර්සනල් ලාංඡනය සහිත හිස් ප්ලාස්ටික් බෝතලයක් ඉහළට ඔසවා එයින් පානයක් ලබාගන්නා ආකාරය අභිනයෙන් නිරූපණය කළේය. ඉංග්රීසි ප්රිමියර් ලීග් පාපන්දු ක්ෂේත්රය තුළ තීරණාත්මක අවස්ථාවන්හිදී පසුබෑමට ලක්වන කණ්ඩායම් හැඳින්වීමට ‘Bottle’ යන වචනය භාවිත වන අතර, ආර්සනල් කණ්ඩායම මෙවරත් ප්රසාද ලකුණු සටහනේ පෙරමුණේ සිට පසුබෑමට ලක්වීම උපහාසයට ලක් කරමින් ඔහු මෙම සැමරුම සිදුකර තිබුණි.
මිලෙල් අර්ටෙටා යටතේ ක්රීඩා කරන ආර්සනල් කණ්ඩායම 2023 සහ 2024 වසරවලදී මෙන්ම මෙවරත් මැන්චෙස්ටර් සිටි පිලට වඩා ලකුණු ගණනාවකින් ඉදිරියෙන් සිට අවසාන මොහොතේ එම වාසිය ගිලිහී යාමට ඉඩ දී ඇත. මෙම සිදුවීමත් සමඟ ‘Drinking Arsenal tears’ (ආර්සනල් කඳුළු පානය කිරීම) යන තේමාවෙන් යුත් විහිළු තහළු සහ මීම්ස් අන්තර්ජාලය පුරා වේගයෙන් ව්යාප්ත වෙමින් පවතින අතර, එය ආර්සනල් ලෝලීන්ගේ දැඩි කණගාටුවටත් මැන්චෙස්ටර් සිටි ලෝලීන්ගේ දැඩි උද්යෝගයටත් හේතු වී තිබේ.
