කෘත්රිම බුද්ධිය (AI) ව්යාප්ත වීමත් සමඟ ඇමෙරිකා එක්සත් ජනපදයේ බදු, සුබසාධන සහ බලශක්ති පද්ධති ප්රතිසංස්කරණය කළ යුතු ආකාරය පිළිබඳව OpenAI සමාගම විසින් “Industrial Policy in the Intelligence Age” නමින් නව යෝජනාවලියක් ඉදිරිපත් කර තිබේ. මෙම ලේඛනය තුළ ක්රිප්ටෝ මුදල් (Cryptocurrency) පිළිබඳව සෘජුව සඳහන් කර නොමැති වුවද, එහි අඩංගු යෝජනා ක්රිප්ටෝ වෙළඳපොළට දැඩි බලපෑමක් එල්ල කළ හැකි බව විචාරකයෝ පෙන්වා දෙති.
ප්රාග්ධන ලාභ බදු (Capital Gains Tax) කෙරෙහි වැඩි අවධානයක්:
OpenAI යෝජනා කරන්නේ ආදායම් බදුවලට වඩා ප්රාග්ධන ලාභ මත පදනම් වූ බදු ක්රමයකට යොමු විය යුතු බවයි. ඇමෙරිකානු බදු සේවාව (IRS) ක්රිප්ටෝ මුදල් වත්කම් ලෙස සලකන බැවින්, මෙවැනි බදු ප්රතිසංස්කරණයක් හරහා ක්රිප්ටෝ ආයෝජන ලාභ මත අය කරන බදු ප්රතිශතය ඉහළ යා හැකිය.
මිනිස් ශ්රමයකින් තොරව ආර්ථික වටිනාකමක් නිර්මාණය කරන ස්වයංක්රීය පද්ධති මත බදු පැනවීමට OpenAI යෝජනා කරයි. මෙය ස්මාර්ට් කොන්ත්රාත්තු (Smart Contracts) සහ ස්වයංක්රීය ගනුදෙනු මත පදනම් වන විමධ්යගත මූල්ය (DeFi) පද්ධති සඳහා අනාගතයේදී අලුතින් බදු පැනවීමට මග පෑදිය හැකිය.AI වර්ධනයෙන් ලැබෙන ලාභ සියලු පුරවැසියන් අතර බෙදා දීම සඳහා රජය මැදිහත් වන අරමුදලක් පිහිටුවීමට මෙහි යෝජනා කර ඇත. මෙය ක්රිප්ටෝ සහ DeFi පද්ධති මගින් අපේක්ෂා කරන මධ්යම පාලනයකින් තොර මූල්ය ක්රමයට (Decentralization) හාත්පසින්ම වෙනස්, රජය විසින් පාලනය කරනු ලබන ව්යුහයකි.
යෝජිත ස්වයංක්රීය සුබසාධන ජාලයන් (Automatic Safety Nets) ක්රියාත්මක කිරීමේදී රජයේ වියදම් ඉහළ යාම නිසා උද්ධමනය වැඩි වීමේ අවදානමක් පවතී. එවැනි තත්ත්වයකදී, සීමිත සැපයුමක් සහිත බිට්කොයින් වැනි වත්කම්වල වටිනාකම “සුරක්ෂිත වත්කමක්” (Store of Value) ලෙස තවදුරටත් ඉහළ යාමට ඉඩ ඇත.
AI දත්ත මධ්යස්ථාන සඳහා විශාල බලශක්ති ප්රමාණයක් අවශ්ය වන අතර, OpenAI යෝජනා කරන්නේ බලශක්ති පද්ධති වැඩිදියුණු කිරීමට රජය ප්රමුඛතාවය දිය යුතු බවයි. මෙය ක්රිප්ටෝ කැනීම් (Mining) කර්මාන්තයට බලශක්ති සහ විදුලි පද්ධති ලබා ගැනීමේදී AI සමාගම් සමඟ දැඩි තරගයකට මුහුණ දීමට සිදු වන බවට ඉඟියකි.
මෙම යෝජනාවලිය හරහා OpenAI උත්සාහ කරන්නේ AI තාක්ෂණය මූලික කරගත් නව ආර්ථික රාමුවක් සැකසීමට වුවද, එය ක්රිප්ටෝ වෙළඳපොළේ බදු, නීති රීති සහ පිරිවැය කෙරෙහි සෘජු බලපෑමක් එල්ල කරනු ඇතැයි අපේක්ෂා කෙරේ.
