ඊශ්රායලය සහ ලෙබනනය අතර දශක හතරකට පසු ප්රථම වතාවට සෘජු රාජ්යතාන්ත්රික සාකච්ඡා ආරම්භ වී තිබුණද, ලෙබනනයේ විවිධ ප්රදේශ ඉලක්ක කරගනිමින් ඊශ්රායලය එල්ල කළ ගුවන් ප්රහාරවලින් අවම වශයෙන් පුද්ගලයන් 6 දෙනෙකු ජීවිතක්ෂයට පත්ව තිබේ.
බටහිර බෙකා (Bekaa) කලාපයේ සහ්මාර් (Sahmar) ගම්මානයට එල්ල වූ ප්රහාරවලින් නිවාස 10කට අධික සංඛ්යාවක් සම්පූර්ණයෙන්ම විනාශ වී ඇති අතර, එහිදී එකම පවුලේ සාමාජිකයන් තිදෙනෙකු ජීවිතක්ෂයට පත්ව ඇත. මීට අමතරව දකුණු ලෙබනනයේ සිදොන් (Sidon) දිස්ත්රික්කයට එල්ල වූ ප්රහාරවලින් තවත් පුද්ගලයන් තිදෙනෙකු මියගොස් ඇති බව වාර්තා වේ.
වොෂින්ටන් නුවරදී දෙරටේ නියෝජිතයන් මුහුණට මුහුණ හමුවී සාම සාකච්ඡාවල නිරත වන මොහොතක, ගොඩබිම් මට්ටමින් මෙලෙස දරුණු ලෙස සටන් ඇවිලී යාම ජාත්යන්තර ප්රජාවේ දැඩි කනස්සල්ලට හේතු වී තිබේ. රාජ්යතාන්ත්රික මට්ටමින් “ඓතිහාසික අතට අත දීමක්” සිදුවුවද, දේශසීමා ආශ්රිතව පවතින යුදමය වාතාවරණය තවමත් සමනය වී නොමැති බව මෙම ප්රහාර මගින් මැනවින් සනාථ වේ.
තොරතුරු උපුටා ගැනීම: mario nawfal(x) ඇසුරින්
