ඉරානය සමඟ පවතින යුද්ධය අවසන් කිරීමේ සාකච්ඡා මේ සතියේ යළි ආරම්භ විය හැකි බව ඇමරිකානු ජනාධිපති ඩොනල්ඩ් ට්රම්ප් ඉඟි කර තිබේ පසුගිය සති අන්තයේ පකිස්ථානයේ පැවැති සාකච්ඡා එකඟතාවයකින් තොරව අවසන් වීමෙන් පසු ඇමරිකාව ඉරාන වරායන් අවහිර කිරීමට පියවර ගත්තේය ඉදිරි දින දෙක ඇතුළත කිසියම් ප්රගතියක් සිදුවිය හැකි බවත් ඒ සඳහා පකිස්ථානයේ ඉස්ලාමාබාද් නුවරට යාමට වැඩි ඉඩක් පවතින බවත් ජනාධිපතිවරයා නිව්යෝර්ක් පෝස්ට් පුවත්පතට පවසා ඇත
මේ අතර ඇමරිකානු හමුදාව පවසන්නේ පසුගිය පැය 24 තුළ කිසිදු නෞකාවකට තම අවහිරය ඉක්මවා යාමට ඉඩ ලබා නොදුන් බවයි ඉරාන වරායන් වෙත යාමට පැමිණි වෙළඳ නෞකා හයක් ආපසු හරවා යැවීමට ඇමරිකානු නාවික හමුදාව කටයුතු කර තිබේ කෙසේ වෙතත් චීනය මෙම නාවික අවහිරය හඳුන්වා දී ඇත්තේ භයානක සහ වගකීම් විරහිත ක්රියාවක් ලෙසයි ඉරානයේ යුරේනියම් පිරිපහදු කිරීමේ කාලසීමාව පිළිබඳව දෙරට අතර පවතින මතභේදය සාකච්ඡා අසාර්ථක වීමට ප්රධාන හේතුව වී ඇත
