ලෝක ක්රිකට් ක්රීඩාවේ “බයිබලය” ලෙස සැලකෙන, වසර 160කට අධික ඉතිහාසයක් ඇති බ්රිතාන්යයේ “විස්ඩන්” (Wisden) සඟරාව මෙවර සිය 163 වැනි වාර්ෂික සංස්කරණය මගින් ඉන්දීය ක්රිකට් පාලනය දැඩි විවේචනයට ලක් කර තිබේ. එහි සංස්කාරක ලෝරන්ස් බූත් පෙන්වා දෙන්නේ ගෝලීය ක්රිකට් පරිපාලනය තුළ සිදුවන ඉන්දීය දේශපාලන මැදිහත්වීම් අතිශය අහිතකර මට්ටමක පවතින බවයි.
ජෝර්ජ් ඔර්වෙල්ගේ (George Orwell) සංකල්පවලට අනුව මෙය “ඔර්වේලියානු” (Orwellian) හෙවත් නිදහස සීමා කළ අධිකාරීවාදී ස්වරූපයක් ගන්නා බවත්, ලෝක ක්රිකට් ආධිපත්යය දේශපාලන අවශ්යතා මත මෙහෙයවන බවත් එහි සඳහන් වේ. ඉරාන යුධ වාතාවරණය සහ උතුරු කොරියාවේ න්යෂ්ටික වර්ධනයන් වැනි ලෝක දේශපාලන පෙරළි මධ්යයේ වුවද, ක්රිකට් ක්රීඩාවේ පවතින මෙම අභ්යන්තර දේශපාලනීකරණය ක්රීඩාවේ අනාගතයට තර්ජනයක් බව විස්ඩන් සඟරාව අවධාරණය කරයි.
