මැදපෙරදිග කලාපයේ පවතින යුදමය වාතාවරණය හමුවේ ගුවන් ඉන්ධන මිල ඉහළ යාම සහ එහි පවතින අස්ථාවරත්වය හේතුවෙන් සිය ගුවන් ගාස්තු සහ ධාරිතාවන් (Capacity) සංශෝධනය කිරීමට පියවර ගත් බව වර්ජින් ඕස්ට්රේලියා ගුවන් සමාගම බදාදා නිවේදනය කළේය. 2026 මූල්ය වසරේ දෙවන අර්ධය සඳහා ඉන්ධන පිරිවැය ඕස්ට්රේලියානු ඩොලර් මිලියන 30 සිට 40 දක්වා ප්රමාණයකින් ඉහළ යනු ඇතැයි සමාගම ඇස්තමේන්තු කරයි.
පසුගිය පෙබරවාරි මස අවසානයේ සිට ගුවන් ඉන්ධන මිල දෙගුණයකටත් වඩා වැඩි වී ඇති අතර, මෙය ජූනි කාර්තුව සඳහා සෘජුවම බලපානු ඇත. මේ හේතුවෙන් දෙවන අර්ධය සඳහා එක් ආසනයක කිලෝමීටරයක ආදායම (RASK) 5% කින් වර්ධනය වනු ඇතැයි අපේක්ෂා කෙරේ. මීට පෙර ඕස්ට්රේලියාවේ ප්රධාන ගුවන් සේවය වන ක්වාන්ටාස් (Qantas) සමාගම ද ඉන්ධන පිරිවැය ඉහළ යාම පිළිබඳව මෙලෙසම අනතුරු අඟවා තිබුණි.
මෙහි ඇති විශේෂත්වය වන්නේ මෙවැනි පිරිවැය ඉහළ යාම් මධ්යයේ වුවද, සමාගමේ කොටස් මිල 12.3% කින් ඉහළ ගොස් 2026 මාර්තු මාසයෙන් පසු වාර්තා වූ ඉහළම අගය (A$ 2.64) වාර්තා කිරීමයි. කෙසේ වෙතත්, ඉරාන යුද්ධය හේතුවෙන් ඇති වී තිබෙන මෙම අස්ථාවරත්වය 2027 මූල්ය වසරේ ආදායම් කෙරෙහි ද බලපෑම් කළ හැකි බව මූල්ය විශ්ලේෂකයෝ පෙන්වා දෙති.
