හංගේරියාවේ අභිනව අග්රාමාත්ය පීටර් මැග්යාර් (Péter Magyar), එරට රාජ්ය මාධ්ය ආයතනය විසින් “උතුරු කොරියානු ශෛලියේ” ප්රචාරණ පවත්වාගෙන යන බවට චෝදනා කරමින්, තමා රජයක් පිහිටුවීමෙන් පසු එහි විකාශන කටයුතු අත්හිටුවන බවට ප්රකාශ කර තිබේ. පසුගිය බදාදා උදෑසන රාජ්ය රූපවාහිනිය සමඟ පැවති ඉතා උණුසුම් සම්මුඛ සාකච්ඡාවකින් අනතුරුව ඔහු මෙම තීරණය නිවේදනය කළේය.
පසුගිය ඉරිදා පැවති මැතිවරණයෙන් අතිවිශාල ජයග්රහණයක් අත්කරගත් මැග්යාර්ගේ ‘Tisza’ පක්ෂය, මැතිවරණ සමයේදී රාජ්ය මාධ්ය විසින් තමාට සහ තම පවුලේ සාමාජිකයන්ට එරෙහිව අසත්ය තොරතුරු පතුරුවමින් පක්ෂග්රාහීව කටයුතු කළ බවට දිගින් දිගටම චෝදනා කළේය. වසර එකහමාරකට පසුව ඔහු රාජ්ය මාධ්ය හමුවේ පෙනී සිටි පළමු අවස්ථාව මෙය වූ අතර, රූපවාහිනී සහ ගුවන් විදුලි සාකච්ඡා දෙකම එකිනෙකාට චෝදනා කරගනිමින් ඉතා දැඩි වාද විවාද මධ්යයේ අවසන් වී ඇත.
