දකුණු චීන මුහුදේ පිහිටි ස්කාර්බරෝ ෂෝල් (Scarborough Shoal) කලපුවට ඇතුළු වන ස්ථානය අවහිර කිරීම සඳහා චීනය සිය නෞකා සහ පාවෙන බාධක (Floating Barriers) යොදා ගනිමින් සිටින බව නවතම චන්ද්රිකා ඡායාරූප මඟින් අනාවරණය වේ. පිලිපීනය සමඟ පවතින රාජ්ය තාන්ත්රික නොසන්සුන්තාව උත්සන්න වෙමින් පවතින පසුබිමක, මෙම මතභේදයට තුඩුදුන් කලාපයේ පාලනය තහවුරු කර ගැනීමට චීනය මෙලෙස පියවර ගෙන ඇති බව රොයිටර් පුවත් සේවය වාර්තා කරයි.
පිලිපීන බලධාරීන් පවසන පරිදි චීන වෙරළාරක්ෂක බලකායට (Chinese Coast Guard) අයත් නෞකා 10ක් පමණ මෙම ප්රදේශයේ රඳවා ඇති අතර, කලපුවට ඇතුළු වන මුහුදු මාර්ගය පාවෙන බාධක යොදා වසා දමා ඇත. ආසියාවේ වැඩිම ආරවුල් පවතින සමුද්රීය කලාපයක් වන ස්කාර්බරෝ ෂෝල් ආශ්රිතව පවතින මෙම ගැටුම්කාරී තත්ත්වය සන්නද්ධ ගැටුමක් දක්වා වර්ධනය විය හැකි බවට රාජ්ය තාන්ත්රික නිලධාරීන් සහ විශ්ලේෂකයෝ බිය පළ කරති.
