කැනඩාවේ ඇල්බර්ටා ප්රාන්තයේ කැල්ගරි විශ්වවිද්යාලය (UCalgary) සිය 60 වැනි සංවත්සරය නිමිත්තෙන් ඩයිනෝසර ඇඳුමින් සැරසුණු පුද්ගලයන් 682 දෙනෙකු එකම ස්ථානයකට එක්රැස් කරමින් නව ගිනස් ලෝක වාර්තාවක් පිහිටුවා තිබේ. පසුගිය අප්රේල් 11 වැනිදා පැවැති “රෙක්ස්ගේ ජුරාසික් ජැම්බෝරිය” (Rex’s Jurassic Jamboree) නම් වූ මෙම උත්සවයට සරසවි සිසුන්, ආචාර්යවරුන් සහ ප්රදේශවාසීන් විශාල පිරිසක් සහභාගී වූහ.
මීට පෙර 2025 ජනවාරි මාසයේදී ඇමෙරිකාවේ ෆ්ලොරිඩා හිදී පුද්ගලයන් 468 දෙනෙකු එක්ව තබා තිබූ වාර්තාව මෙහිදී බිඳ වැටුණි. කැල්ගරි සරසවියේ ක්රීඩා කණ්ඩායම් “ඩයිනෝස්” (Dinos) ලෙස හැඳින්වීමත්, එම ප්රදේශය ඩයිනෝසර ෆොසිල සඳහා ප්රසිද්ධියක් ඉසිලීමත් නිසා මෙම ජයග්රහණය ඔවුන්ට සුවිශේෂී අරුතක් එක් කරයි. ගිනස් නීතිරීතිවලට අනුව, සහභාගී වූ සැමගේ ශරීරය (පාද හැර) සම්පූර්ණයෙන්ම ඩයිනෝසර ඇඳුමකින් ආවරණය වී තිබීම අනිවාර්ය විය.
නව වාර්තාව නිල වශයෙන් ප්රකාශයට පත් කිරීමත් සමඟ පිරිස “We Are the Champions” ගීතය ගයමින් සිය ජයග්රහණය සමරා ඇති අතර, මෙය ලෝකයේ පවතින පීඩාකාරී වාතාවරණය හමුවේ මිනිසුන්ට සැහැල්ලුවක් ගෙනදුන් අපූරු අත්දැකීමක් වූ බව සරසවි බලධාරීහු පවසති.
