සිංහල සහ දෙමළ අලුත් අවුරුද්ද වෙනුවෙන් ගම්බිම් බලා ගිය ජනතාවට යළි කොළඹට පැමිණීම සඳහා විශේෂ බස් රථ සහ දුම්රිය සේවා අද (16) දිනයේත් ක්රියාත්මක වේ. ජාතික ගමනාගමන කොමිෂන් සභාවේ අධ්යක්ෂ ජනරාල් ආචාර්ය නිලාන් මහතා සඳහන් කළේ, මගී අවශ්යතාවය මත මෙම විශේෂ බස් රථ සේවාව ලබන 20 වැනිදා දක්වා අඛණ්ඩව ක්රියාත්මක කරන බවයි.
අද දිනයේ දිවයින පුරා පෞද්ගලික බස් රථ 7,000ක් පමණ ධාවනයට එක් කර ඇති බව සමස්ත ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පවසයි. සිකුරාදා වන විට බස් රථ සේවාව යථා තත්ත්වයට පත් කරන බවත්, මගී තදබදය මඟහරවා ගැනීම සඳහා වේලාසනින් කොළඹට පැමිණෙන ලෙසත් ඔහු ජනතාවගෙන් ඉල්ලා සිටියි.
මේ අතර දුම්රිය දෙපාර්තමේන්තුව ද අද සිට කාර්යාල දුම්රිය සේවා සාමාන්ය පරිදි ක්රියාත්මක කිරීමට පියවර ගෙන තිබේ. බෙලිඅත්ත, මාතර සහ ගාල්ලේ සිට කොළඹ බලා එන සාගරිකා, රුහුණු කුමාරි සහ ගාලු කුමාරි දුම්රිය සාමාන්ය පරිදි ධාවනය වන අතර, මහව, කුරුණෑගල, හලාවත සහ අවිස්සාවේල්ලේ සිට ද කාර්යාල දුම්රියන් ධාවනයට සැලසුම් කර ඇති බව ගමනාගමන අධිකාරී අසංක සමරසිංහ මහතා තහවුරු කළේය.
