අද දහවල් 1:00 න් පමණ පසුව දිවයිනේ පළාත් කිහිපයකට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව අද (17) උදෑසන නිවේදනය කළේය. විශේෂයෙන් බස්නාහිර, සබරගමුව, දකුණ සහ ඌව පළාත්වලට මෙන්ම මහනුවර සහ නුවරඑළිය දිස්ත්රික්කවල ස්ථාන කිහිපයකට මෙම වැසි තත්ත්වය බලපානු ඇත. දිවයිනේ සෙසු ප්රදේශවල ප්රධාන වශයෙන් වියළි කාලගුණයක් පවතිනු ඇති බව ද එම දෙපාර්තමේන්තුව සඳහන් කරයි.
මීට අමතරව, මධ්යම, සබරගමුව, උතුරු මැද සහ ඌව පළාත්වලත් ගාල්ල, මාතර සහ කුරුණෑගල දිස්ත්රික්කවලත් අද උදෑසන කාලයේදී මීදුම් සහිත තත්ත්වයක් පැවතිය හැකි බව වාර්තා වේ. ගිගුරුම් සහිත වැසි ඇති වන අවස්ථාවලදී තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටියි.
