ඉන්දීය උප ජනාධිපති සී.පී. රාධ ක්රිෂ්ණන් මහතා දෙදින නිල සංචාරයක් සඳහා ලබන අප්රේල් 19 වැනිදා ශ්රී ලංකාවට පැමිණීමට නියමිත බව විදේශ කටයුතු, විදේශ රැකියා සහ සංචාරක අමාත්යාංශය නිවේදනය කරයි. අප්රේල් 19 සිට 20 දක්වා ක්රියාත්මක වන මෙම සංචාරය දෙරට අතර මෑතකදී ශක්තිමත් වූ රාජ්ය තාන්ත්රික සබඳතාවල තවත් එක් වැදගත් සන්ධිස්ථානයක් වනු ඇති බව රජය අපේක්ෂා කරයි. මෑත කාලීනව දෙරට අතර පවතින සහයෝගීතාව තවදුරටත් වර්ධනය කරගැනීම මෙම සංචාරයේ ප්රධාන අරමුණක් වී තිබේ.
මෙම සංචාරය අතරතුර ඉන්දීය උප ජනාධිපතිවරයා ජනාධිපති අනුර කුමාර දිසානායක මහතා සහ අග්රාමාත්ය ආචාර්ය හරිනි අමරසූරිය මහත්මිය සමඟ විශේෂ ද්විපාර්ශ්වික සාකච්ඡා පැවැත්වීමට නියමිතව ඇත. එහිදී විශේෂයෙන්ම “දිට්වා” සුළි කුණාටුවෙන් පසුව සිදුවන පුනරුත්ථාපන කටයුතු පිළිබඳව අවධානය යොමු කෙරෙනු ඇති අතර, දෙරට අතර සංවර්ධන සහයෝගීතාව සම්බන්ධ අවබෝධතා ගිවිසුම් කිහිපයක් ද හුවමාරු කර ගැනීමට නියමිත බව වාර්තා වේ. මෙමගින් ශ්රී ලංකාවේ යටිතල පහසුකම් සංවර්ධනය සහ ආපදා කළමනාකරණය සම්බන්ධයෙන් ඉන්දීය සහයෝගය තවදුරටත් තහවුරු වනු ඇත.
