ජාත්යන්තර වෙළෙඳපොළේ තෙල් මිල ඉහළ යාම නිසා පාරිභෝගිකයන් මුහුණ දෙන මූල්ය පීඩනය අවම කිරීම සඳහා කොරියාවේ කාර්මික බැංකුව (IBK) විසින් “IBK Card Oil빵빵(5100)” නමින් විශේෂ සහන වැඩසටහනක් අප්රේල් 17 වනදා ආරම්භ කර ඇත.
IBK Card ජංගම යෙදුම (App) භාවිතා කරන සාමාජිකයන් හට මෙම අවස්ථාව හිමි වේ. එම යෙදුම හරහා ලියාපදිංචි වී, ඉන්ධන පිරවුම්හල්වලින් වොන් 150,000 කට වඩා වැඩි වටිනාකමකින් යුත් ඉන්ධන ලබාගන්නා පාරිභෝගිකයන් අතරින් මුලින්ම ඉල්ලුම් කරන 10,000 දෙනාට IBK ප්රසාද ලකුණු (Points) 5,100 බැගින් හිමි වේ.
මෙම වරප්රසාදය ලබා ගැනීමට පෙර මාසයේ කාඩ්පත භාවිතා කළ අවම මුදලක් (Previous month spending) අවශ්ය නොවේ. එමෙන්ම විශේෂිත ඉන්ධන කාඩ්පත් පමණක් නොව, සාමාන්ය IBK කාඩ්පත් භාවිතා කරන අයට ද මෙයට සහභාගී විය හැකිය. රැස් කරගන්නා ලකුණු මුදල් ලෙස නැවත ලබා ගැනීමට (Cash back) හෝ කාඩ්පත් බිල්පත් ගෙවීමට භාවිතා කළ හැකිය.
මීට අමතරව, අයදුම්කරුවන් අතරින් තෝරාගත් 1000 දෙනෙකුට ජංගම දුරකථන ඉන්ධන වවුචර (Mobile fuel coupons) පිරිනැමීමට බැංකුව සැලසුම් කර ඇත. එහිදී වොන් 50,000 බැගින් ජයග්රාහකයින් 200 කට ද, වොන් 30,000 බැගින් 300 කට ද සහ වොන් 10,000 බැගින් 500 කට ද තෑගි හිමි වනු ඇත.
පාරිභෝගිකයන්ගේ එදිනෙදා ජීවිතයට සෘජුවම බලපාන මෙවැනි මූල්ය සහන තවදුරටත් පුළුල් කිරීමට බලාපොරොත්තු වන බව බැංකු බලධාරීන් ප්රකාශ කර සිටියි.
