ඇමෙරිකා එක්සත් ජනපදයේ හිටපු බ්රිතාන්ය තානාපති පීටර් මැන්ඩෙල්සන් (Peter Mandelson) ආරක්ෂක පරීක්ෂණවලින් (Security vetting) අසමත් වී තිබියදීත් ඔහු එම තනතුරට පත් කිරීම සම්බන්ධයෙන් බ්රිතාන්ය අගමැති කීර් ස්ටාර්මර් (Keir Starmer) දැඩි දෝෂදර්ශනයට ලක්ව තිබේ.
බ්රිතාන්ය ආරක්ෂක නිෂ්කාශන ආයතනය (UKSV) මැන්ඩෙල්සන් මහතාව අනුමත නොකරන ලෙස නිර්දේශ කර තිබියදීත්, විදේශ සහ පොදුරාජ්ය මණ්ඩලීය කාර්යාලයේ (FCDO) නිලධාරීන් විසින් එම තීරණය වෙනස් කර ඔහුට අවසර ලබා දී ඇති බව “ද ගාඩියන්” පුවත්පත අනාවරණය කළේය.
ඉරාන අර්බුදය පිළිබඳ සාකච්ඡා සඳහා ප්රංශයේ රැඳී සිටින අගමැති ස්ටාර්මර් ප්රකාශ කළේ, පාර්ලිමේන්තුව හමුවේ නිසි ක්රියාපටිපාටිය අනුගමනය කළ බව පවසන අවස්ථාවේදී පවා මෙම තොරතුරු තමාට දැනුම් නොදීම “සමා කළ නොහැකි වරදක්” බවයි. මෙම පත්වීම සම්බන්ධයෙන් විපක්ෂය අගමැතිවරයාගේ ඉල්ලා අස්වීම ඉල්ලා සිටින අතර, ලබන සඳුදා පාර්ලිමේන්තුව හමුවේ කරුණු පැහැදිලි කරන බව අගමැතිවරයා පවසා තිබේ.
මැන්ඩෙල්සන් මහතාට ආරක්ෂක නිෂ්කාශනය ලබා දීමේ තීරණය නිලධාරීන් මට්ටමින් ගත් එකක් බවත්, අගමැතිවරයා හෝ කිසිදු අමාත්යවරයෙකු මේ පිළිබඳව දැනුවත්ව නොසිටි බවත් අගමැති කාර්යාලය නිවේදනයක් නිකුත් කරමින් තහවුරු කර ඇත.
